69-гадовы бізнэсмен нажыў дзіця з 25-гадовай палюбоўніцай, а ад аліментаў хітра ўхіліўся
Кожны месяц у беларускіх судах разглядаюцца дзясяткі зваротаў аб спагнанні аліментаў. Усе гэтыя выпадкі вельмі разнастайныя, а часам бываюць і зусім экзатычныя. Пра адзін з такіх расказаў гомельскаму выданню «Белка» начальнік аддзела прымусовага выканання Савецкага раёна Гомеля Аляксей Матарас.
Заснавальнік камерцыйнай арганізацыі дасягнуў вельмі сталага ўзросту, але гэта не перашкодзіла яму завязаць рамантычныя адносіны са сваёй маладой супрацоўніцай. Вынікам іх стала нараджэнне дзіцяці.
Калі яно нарадзілася, мужчыну было 69 гадоў, а жанчыне — 25. Бацька прызнаў сына сваім, але папрасіў ягоную маці не раздзімаць скандал, паабяцаўшы ўдзельнічаць у выхаванні і добраахвотна даваць на дзіця грошы.
Спачатку так і было, але праз некаторы час жанчына вырашыла ўсё ж падаць пазоў аб спагнанні аліментаў. Тым больш што партнёр здаваўся ёй заможным бізнэсмэнам, з нерухомасцю і аўтамабілямі.
Але ў выніку яе чакала горкае расчараванне. Неўзабаве высветлілася, што ўся маёмасць юрыдычна належыць не самому бацьку яе дзіцяці, а дарослым сынам адказчыка, сам жа ён лічыцца ў сваёй фірме ўсяго толькі рознарабочым з адпаведным заробкам.
З таго часу прайшло два з лішнім гады. Мужчына ўжо звольніўся і жыве нібыта на пенсію, з якой і выплачвае аліменты.
Бацька чацвярых дзяцей у Івацэвіцкім раёне публічна адмовіўся ад іх
«На яго 250 рублёў я жыла шыкоўнае жыццё. А яму не хапае!» Мінчанка спрачаецца з былым мужам пра аліменты
Той «Максім з Латвіі», які ўцёк у Беларусь, — ідэйны змагар з аліментамі
Беларускі расказалі, колькі атрымліваюць аліментаў на дзяцей
Каментары