69-hadovy biznesmien nažyŭ dzicia z 25-hadovaj paluboŭnicaj, a ad alimientaŭ chitra ŭchiliŭsia
Kožny miesiac u biełaruskich sudach razhladajucca dziasiatki zvarotaŭ ab spahnańni alimientaŭ. Usie hetyja vypadki vielmi raznastajnyja, a časam byvajuć i zusim ekzatyčnyja. Pra adzin z takich raskazaŭ homielskamu vydańniu «Biełka» načalnik adździeła prymusovaha vykanańnia Savieckaha rajona Homiela Alaksiej Mataras.
Zasnavalnik kamiercyjnaj arhanizacyi dasiahnuŭ vielmi stałaha ŭzrostu, ale heta nie pieraškodziła jamu zaviazać ramantyčnyja adnosiny sa svajoj maładoj supracoŭnicaj. Vynikam ich stała naradžeńnie dziciaci.
Kali jano naradziłasia, mužčynu było 69 hadoŭ, a žančynie — 25. Baćka pryznaŭ syna svaim, ale paprasiŭ jahonuju maci nie raździmać skandał, paabiacaŭšy ŭdzielničać u vychavańni i dobraachvotna davać na dzicia hrošy.
Spačatku tak i było, ale praź niekatory čas žančyna vyrašyła ŭsio ž padać pazoŭ ab spahnańni alimientaŭ. Tym bolš što partnior zdavaŭsia joj zamožnym biznesmenam, ź nieruchomaściu i aŭtamabilami.
Ale ŭ vyniku jaje čakała horkaje rasčaravańnie. Nieŭzabavie vyśvietliłasia, što ŭsia majomaść jurydyčna naležyć nie samomu baćku jaje dziciaci, a darosłym synam adkazčyka, sam ža jon ličycca ŭ svajoj firmie ŭsiaho tolki roznarabočym z adpaviednym zarobkam.
Z taho času prajšło dva ź lišnim hady. Mužčyna ŭžo zvolniŭsia i žyvie nibyta na piensiju, ź jakoj i vypłačvaje alimienty.
Baćka čaćviarych dziaciej u Ivacevickim rajonie publična admoviŭsia ad ich
«Na jaho 250 rubloŭ ja žyła šykoŭnaje žyćcio. A jamu nie chapaje!» Minčanka spračajecca z byłym mužam pra alimienty
Toj «Maksim z Łatvii», jaki ŭciok u Biełaruś, — idejny zmahar z alimientami
Biełaruski raskazali, kolki atrymlivajuć alimientaŭ na dziaciej
Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja14
Kamientary