З выкарыстаннем «Паланэзаў», «Градаў» і баявой авіяцыі. Падрабязнасці маштабнай баявой праверкі Узброеных сіл
Начальнік Генеральнага штаба — першы намеснік міністра абароны Павел Муравейка выказаўся аб раптоўнай праверцы гатоўнасці злучэнняў і воінскіх часцей Узброеных сіл. Праверка пачалася сёння а 9-й раніцы.
«Праверка мае комплексны характар і прадугледжвае задзейнічанне разнастайных сіл. У прыватнасці, падраздзяленні і воінскія часці сіл спецыяльных аперацый атрымалі задачу рушыць у нованазначаныя раёны, арганізаваць іх інжынернае абсталяванне, стварэнне сістэмы загародаў.
У далейшым быць у гатоўнасці дзейнічаць па пошуку, знішчэнні і блакаванні дыверсійна-разведвальных груп умоўнага суперніка, нясенні службы на блокпастах, а таксама аператыўным рэагаванні і выхаду на прызначаныя рубяжы.
Падраздзяленні зенітна-ракетных войскаў рухаюцца ў новыя пазіцыйныя раёны і з іх заняццем завяршаюць стварэнне сістэмы зенітна-ракетнага прыкрыцця важных аб'ектаў на пагражальных напрамках, расказаў военачальнік.
«Адначасова з дзеяннямі сіл спецыяльных аперацый актыўна дзейнічаюць падраздзяленні ракетных войскаў і артылерыі, аснашчаныя комплексамі «Паланэз» і рэактыўнымі сістэмамі залпавага агню БМ-21 «Град». Гэтыя падраздзяленні таксама пад прыкрыццём сіл спецыяльных аперацый скрытна займаюць назначаныя раёны і павінны заступіць на баявое дзяжурства па назначаных аб'ектах», — расказаў Павел Муравейка.
Ён дадаў, што будзе дзейнічаць авіяцыя, якая выканае задачы па дастаўцы і высадцы штурмавых груп на патрэбныя напрамкі, падтрымцы сухапутнай групоўкі пры дзеяннях на зямлі, а таксама нясенню і забеспячэнню знішчальнага авіяцыйнага прыкрыцця ў важных аб'ектах у рамках сістэмы супрацьпаветранай абароны.
Актыўна будуць прымяняцца беспілотныя лятальныя апараты, сілы і сродкі радыёэлектроннай барацьбы, а таксама плануецца адпрацаваць прыёмы дзеяння сухапутных груповак у лясіста-багністай мясцовасці.
«Уся праверка спланавана і будзе праводзіцца на тэрыторыі Гомельскай і Брэсцкай абласцей. Мы спадзяемся, што па выніках дадзенага мерапрыемства атрымаем аб'ектыўную ацэнку гатоўнасці нашых воінскіх часцей і падраздзяленняў выконваць задачы ва ўмовах абстаноўкі, якая хутка змяняецца, і гарантаваць бяспеку нашай краіны», — заключыў начальнік Генштаба.
«Колькі палітвязняў вызваліў Машэнскі?!» Пятрухін біўся супраць усёй Каардынацыйнай рады, але перамогу так і не здабыў16
Каментары
Всё исправное, рабочее и целое передано путину.....