Ва Узброеных сілах пачалася раптоўная праверка боегатоўнасці — на мяжы з Украінай
Да праверкі прыцягваюцца воінскія часці і падраздзяленні аператыўных камандаванняў, сіл спецыяльных аперацый, ракетных войскаў і артылерыі, ваенна-паветраных сіл і войскаў супрацьпаветранай абароны. Прычым будуць задзейнічаныя палігоны на поўдні краіны.
Сёння пачалася раптоўная праверка гатоўнасці злучэнняў і воінскіх часцей Узброеных сіл да выканання задач па прызначэнні, паведамляе Мінабароны.
На першым этапе будуць адпрацаваны пытанні аператыўнага заняцця прызначаных раёнаў, падрыхтоўкі іх у інжынерных адносінах, арганізацыі аховы і абароны, заступленні на баявое дзяжурства.
У далейшым воінскім часцям і падраздзяленням трэба выканаць вучэбна-баявыя задачы.
Для правядзення праверкі будуць задзейнічаны палігоны і ўчасткі мясцовасці ў Брэсцкай і Гомельскай абласцях.
У гэты перыяд магчымы рух баявой тэхнікі па дарогах агульнага карыстання.
Нагадаем, учора Пагранкамітэт заявіў аб канцэнтрацыі ўкраінскіх войскаў на беларускай мяжы.
«Колькі палітвязняў вызваліў Машэнскі?!» Пятрухін біўся супраць усёй Каардынацыйнай рады, але перамогу так і не здабыў16
Каментары