Гомельскія хірургі дасталі з кішэчніка двухгадовага хлопчыка 20 магнітаў
Дактары Гомельскай абласной дзіцячай клінічнай бальніцы правялі паспяховую аперацыю на кішэчніку двухгадовага дзіцяці, паведамляе мясцовая тэлерадыёкампанія «Гомель».
У мінулыя выхадныя мама з малым схадзіла ў госці, а ў панядзелак хлопчык апынуўся на аперацыйным стале, калі высветлілася, што ягоныя скаргі на боль у жываце звязаныя з тым, што ў кішачніку знаходзіцца 20 магнітаў.
У ходзе аперацыі іншародныя цела вынялі. Пры гэтым прыйшлося выдаліць тры фрагменты кішкі, на кожным з якіх утварылася па дзве скразныя адтуліны. Пасля гэтага цэласнасць кішкі аднавілі.
Наперадзе ў малога доўгая рэабілітацыя. Трэба, каб кішэчнік зросся і запрацаваў.
«Гэта вельмі складаная аперацыя. Гэта маленькае дзіця з недасканалым імунітэтам, са зніжанымі рэзервовымі ахоўнымі здольнасцямі», — пракаментаваў здарэнне загадчык дзіцячага хірургічнага аддзялення Юрый Дзмітрыеў.
Дактары адзначаюць, што найбольш небяспечныя пры траплянні ў арганізм такія староннія прадметы, як батарэйкі і магніты. Узрост жа, у якім дзеці часцей за ўсё могуць праглынуць нешта не тое, — 3-5 гадоў. Менавіта тады малыя актыўна пазнаюць свет, у тым ліку на смак.
За 2024 год у Гомельскай абласной дзіцячай клінічнай бальніцы аказалі дапамогу 119 пацыентам з праглынутымі іншароднымі целамі.
Экс-футбаліст зборнай Беларусі пасля комы зноў трапіў у рэанімацыю. На полі яго чакаць не варта
Жахлівая гісторыя ў «Мінск-Свеце»: сабака на двары напароўся на шампур, гаспадыня лічыць, што яго ўваткнулі наўмысна
Павялічаць заробкі медыкам з сярэдняй спецыяльнай адукацыяй
Хлопец падняў дзяўчыну на рукі, упаў — і апынуўся на інвалідным вазку. Але не здаецца
Каментары