Цягам зімы ў некалькіх раёнах Мінскай і Віцебскай абласцей адбылося некалькі крадзяжоў з прыватных дамоў.
Зламыснікі забіралі з сабой каштоўныя рэчы, а часам дазвалялі сабе скарыстацца прадметамі побыту і нават паесці проста на месцы злачынства. Пра кожны такі выпадак пацярпелыя гаспадары дамоў паведамлялі ў мясцовыя аддзелы міліцыі, піша Дзяржаўны камітэт судовых экспертыз.
На месцы выязджалі эксперты. Яны ўстанавілі, што выяўленыя сляды рук належаць дваім жыхарам Мядзельскага раёна: 43-гадоваму мужчыну і 48-гадовай жанчыне. Абодва раней неаднаразова судзімыя.
Хутка іх затрымалі, а затым яны і прызналіся ў зробленым.
Як высветлілі следчыя, зламыснікі пражывалі па суседстве ў Мядзельскім раёне. Яны ездзілі на дызель-цягніках, даследуючы наваколлі Мінскай і Віцебскай абласцей у пошуках невялікіх вёсак. На станцыях яны сыходзілі з цягніка і накіроўваліся ў пэўныя вёскі. Агледзеўшы тэрыторыю, яны пранікалі ў пустыя дамы. Кожны раз дзейнічалі па сітуацыі: маглі зняць акно, разбіць шкло ці вырваць дзвярны замок.
У адным з дамоў у Докшыцкім раёне Віцебскай вобласці яны не толькі скралі маёмасць, але і некаторы час пражывалі там: тапілі печ, выпівалі і елі. Па адбітках пальцаў іх і затрымалі.
Каментары