«Пачуй мяне. Ты — мудак». Прапагандыст Казакоў у жывым эфіры даў майстар-клас завочнай палемікі
Прапагандыст Кірыл Казакоў, намеснік генеральнага дырэктара агенцтва «Мінск-Навіны» і галоўны рэдактар газеты «Минский курьер» прадэманстраваў высокі палемічны ўзровень, абмяркоўваючы ў жывым эфіры вячэрняй праграмы агенцтва канфіскацыю кватэры ў свайго былога калегі Івана Падрэза.
Казакоў прызнаўся, што калісьці з Падрэзам яны былі нават прыяцелямі і «абмяркоўвалі творчыя планы». Хоць, маўляў, як чалавек ён «лайно, поўнае лайно».
Прапагандыст не хавае задавальнення, што ў ягонага былога калегі канфіскавалі нерухомасць, якой ён «так моцна ганарыўся», і выказвае сваю радасць вельмі эмацыйна:
«Ваня Падрэз, пачуй мяне. Ты — мудак. Тым, што ў цябе забралі кватэру, павер ты мне — беларуская нармальная журналісцкая супольнасць гэтым ганарыцца».
Такі стыль вядзення завочнай дыскусіі выклікаў вялікае захапленне з боку яшчэ аднаго топавага прапагандыста Рыгора Азаронка, які запосціў гэты фрагмент праграмы ў сваім канале, напісаўшы, што «Кирилл Владимирович Казаков жжет».
Пра канфіскацыю і разгром сілавікамі сваёй кватэры былы вядучы АНТ і блогер Іван Падрэз паведаміў сёння ў інстаграме.
«У Беларусі, дзе ў мяне была кватэра, я цяпер «экстрэміст». Кватэра, якой я афіцыйна валодаў, цяпер канфіскаваная. Маю 78-гадовую маму выкінулі з яе. Яна правяла тры тыдні ў бальніцах, а потым у сяброўкі. (…) Гэта пекла. Гэта па-за ўсякай мараллю. Выкінуць 78-гадовую жанчыну з дома?» — напісаў Іван.
«Колькі палітвязняў вызваліў Машэнскі?!» Пятрухін біўся супраць усёй Каардынацыйнай рады, але перамогу так і не здабыў16
Каментары