«Tak ja padaŭžaju svaju maładość». U Pryhožyna byŭ ceły «kanviejer» pa pazbaŭleńni dziaŭčat cnatlivaści
Rasijskaje vydańnie The Insider pahutaryła z pradstaŭnicami prafsajuza seks-rabotnic, jakija raspaviali pra vialikuju schiemu pa pryciahnieńni cnatlivic dla zadavalnieńnia dziŭnych patreb kiraŭnika PVK «Vahnier». Adna z žančyn taksama padzialiłasia svaim seksualnym dośviedam z Pryhožynym.
Kiraŭnik najmitaŭ PVK «Vahnier» Jaŭhien Pryhožyn mocna paviernuty na cnatlivicach, bo, pa jaho pierakanańni, jany dajuć jamu «enierhiju i maładość».
Pra heta vydańniu The Insider niadaŭna raspavioŭ rasijski prafsajuz seks-rabotnic, jaki raskryŭ infarmacyju pra vialikuju schiemu «prodažu» Pryhožynu cnatlivaści z boku šmatlikich dziaŭčyn «na miažy paŭnalećcia».
Adbyvałasia heta ŭsio ŭ śpiecyjalnym miescy — u hateli Solo Sokos Hotel Vasilievsky, jaki znachodzicca ŭ Sankt-Pieciarburhu. Praz sutenioraŭ tudy masava zvozili maładych dziaŭčat pazbaŭlacca cnatlivaści z kiraŭnikom «Vahniera».
«Jon zakazvaŭ adrazu šmat roznych dziaŭčat krychu starejšych za 18. Zajmaŭsia seksam biez preziervatyva: ličyŭ, što tak abmieńvajecca enierhijaj, vadkaściami, jak by atrymlivaje ad ich zarad badzioraści i maładości.
U jaho naohuł šmat dzivactvaŭ, naprykład ušytyja «padšypniki» pad krajniaj płoćciu, jakija majuć vialikuju papularnaść u zekaŭ i jakija nibyta pavinny prynosić bolš zadavalnieńnia žančynam u łožku, adnak dla nas heta zvyčajna byvaje balučym i niepryjemnym», — raspaviali ŭ prafsajuzie seks-rabotnic vydańniu The Insider.
Taksama vydańnie parazmaŭlała ź dziaŭčynaj, jakaja ŭ minułym jakraz i była adnoj z tych cnatlivic, jakich pryvozili da Pryhožyna. Pavodle jaje słoŭ, jana pradała jamu svaju niekranutaść za 40 tysiač rubloŭ dla taho, kab dapamahčy z hrašyma svajoj znajomaj, jakaja i prapanavała hety vid zarobku.
Pry hetym u apaviadalnicy tady nie było asablivaj patreby ŭ hrašach, a sama jana da apošniaha nie viedała, z kim joj treba budzie zaniacca seksam.
«Ja nie viedała, z kim mnie treba spać. Užo ŭ hateli paśla hutarki z suteniorkaj Pryhožyna inšyja dziaŭčaty mnie raskazali, što heta arhanizoŭvaje jon. Ja była ŭ poŭnym šoku i zamiašańni, bo dobra viedała ź ŚMI, što heta za čałaviek. U vyniku atrymałasia tak: seks byŭ vielmi chutki, u jaho vielmi maleńki člen z hetymi šarykami, a paśla jon na vychadzie mnie paraiŭ być dabrejšaj z-za majho afihiełaha vyrazu tvaru», — padzialiłasia ŭspaminami dziaŭčyna.
Nahadajem, što zusim niadaŭna my pisali pra toje, za što Jaŭhienu Pryhožynu adsiekli častku palca na ruce.
Čytajcie jašče:
Što viadoma pra «Pijaniera», jaki budzie kiravać PVK «Vahnier» u Biełarusi
Ukrainskija pamiežniki acanili, kolki vahnieraŭcaŭ prybyło ŭ Biełaruś
Za ŭdzieł u pratestach buduć sudzić zornuju fitnes-instruktarku Natallu Navažyłavu14
Kamientary