Na novuju vytvorčaść na MAZie patrabujecca 1500 rabotnikaŭ — Minharvykankam
Čynoŭniki spadziajucca zakryvać niedachop kadraŭ praz vypusknikoŭ.
«Praktyčna 50 pracentaŭ navučencaŭ paśla dziaviataha kłasa vybirajuć prafiesijna-techničnuju adukacyju», — adznačyła staršynia kamiteta pa adukacyi Minharvykankama Maryna Iljina ŭ intervju BT.
Pavodle słoŭ čynoŭnicy, pašyrajecca praktyka metavaj padrychtoŭki kadraŭ, a taksama materyjalnaja padtrymka navučalnych ustanoŭ z boku pradpryjemstvaŭ.
U jakaści prykładu čynoŭnica pryviała situacyju na MAZie:
«Voś pahladzicie: horad Minsk, MAZ. Paŭtary tysiačy rabotnikaŭ patrabujecca na novuju vytvorčaść. (…) I MAZ aktyŭna supracoŭničaje z našymi kaledžami ŭ hetym napramku».
Zhodna ź Dziaržaŭnaj słužbaj zaniataści, na MAZie ciapier adkryta kala 480 vakansij.
Praŭda, čamu zastajecca taki vialiki deficyt kadraŭ pry aktyŭnym supracoŭnictvie vytvorcy z navučalnymi ŭstanovami, Iljina nie patłumačyła.
Kamientary