Hramadstva 14 14

Nashaniva.com

10.02.2025 / 22:59

Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja

Danosčyca Volha Bondarava, jakaja vajuje ź biełaruskaj movaj, łacinkaj, vasilkami i preziervatyvami na kasach, pasprabavała siabie ŭ niekalkich roznych karjerach. Pra pracaŭładkavańnie prarasijskaj aktyvistki daviedałasia «Zierkało».

Volzie Bondaravaj 42 hady. Žančyna kazała, što zamužam i maje dačku. Prapahandystka atrymała siaredniuju adukacyju pa śpiecyjalnaści «ekanamist». U 2022 hodzie jana pastupiła ŭ piedahahičny ŭniviersitet — na śpiecyjalnaść «Biełaruskaja mova i litaratura».

Ad «Kibierpartyzanaŭ» žurnalisty daviedalisia, što apošniaje ź viadomych miescaŭ pracy danosčycy — saŭna «Vientaniera» u Minsku. Tam Bondarava prapracavała jak minimum piać miesiacaŭ u 2024 hodzie. Ale jakuju pasadu zajmała, nieviadoma.

Pierad tym žančyna kala hoda była ŭładkavana ŭ haziecie «Kamunist Biełarusi. My i čas». Tam prarasijskaja aktyvistka ličyłasia adkaznym sakratarom i pieryjadyčna pisała artykuły.

U lipieni 2024 adnosiny z hazietaj u Bondaravaj razładzilisia: jaje imia źnikła z apisańnia pasady adkaznaha sakratara, a ŭ telehram-kanale aktyvistki vyjšaŭ dopis z krytykaj vydańnia. U im Bondarava aburałasia napisańniu słova «biełaruskije» z adnoj «s» i praz «a».

U karjery Bondaravaj jość šmat prabiełaŭ. Z sakavika 2020 pa lipień 2023 jana nidzie nie była ŭładkavana.

Pierad tym prapahandystka pracavała «ŭ śfiery handlu», pisała jana sama. Zhodna ź infarmacyjaj u rejestrach, z 2017 pa 2020 hod jana paśpieła pasupracoŭničać z:

TAA «Kampanija Atłantyk». Pavodle rehistracyjnych danych, heta jurydyčnaja asoba zajmajecca prodažam prysmakaŭ.
TAA «Eksodas». Pradpryjemstva z Hrodna, jakoje zajmałasia roźničnym handlem adzieńniem, ciapier jano likvidavanaje. U pracoŭnych zapisach ukazana pasada Volhi — pradaviec.
Klininhavaja kampanija «Čysty śviet Plus».
Hrodzienski restaran chutkaha charčavańnia «Šef Kok».
Indyvidualnaja pradprymalnica, jakaja zajmajecca roźničnym handlem na rynkach.

Ni ŭ adnym z hetych miescaŭ Volha nie pracavała daŭžej za niekalki miesiacaŭ. Samaj praciahłaj stała praca ŭ «Šef Kok» — tam aktyvistka trymałasia trochi daŭžej za čatyry miesiacy.

Čytajcie jašče

Volha Bondarava

Kamientary14

apošni inspektar

10.02.2025

mnohija śmiajucca z Bondaravaj, ale z takich voś frykaŭ i pačynałasia "dnr". dy j Sania, paciešny kałhaśnik z načosam, nie našmat byŭ lepiej. dobra, što trymajecie vucha vostra, raspaviadajecie nam pra jaje.
Hańba

10.02.2025

[Red. Vydalena]. Dla pravakacyi Cichanoŭskaha taksama najmali kabietaŭ hetaj šanoŭnaj prafiesii.
Oleh

10.02.2025

Vot kto samaja nastojaŝaja tuniejadka, parazitirujuŝaja na biełaruskom narodie. U niekotorych ludiej v jeje vozrastie užie 20 let staža, a u etoj darmojedki sovokupno dažie i triech let staža nie nabierietsia. Zato ona triebujet čto jej vsie dołžny, čto vsie dołžny ispołniať jejo idiotskije donosy i triebovanija. Da ty nikto v našiem obŝiestvie, ty nie zapłatiła i 10% tiech nałohov, kotoryje upłačivajet každyj biełarus. Mnie vot intieriesno, kto jeje finansirujet. Naviernoje čieriez kriemlevskije fondy, tohda počiemu jeje do sich por nie provierili.