Novaja praktyka: prajści sumoŭje «paravozikam». Ajcišniki chodziać pa čarzie na intervju, a potym dzielacca zadańniami
Ajcišniki prydumali novy sposab prachodžańnia sumoŭjaŭ — «paravoziki». Heta kali kandydaty chodziać pa čarzie na intervju ŭ adnu kampaniju, a zatym abmieńvajucca pamiž saboj zadańniami z roznych etapaŭ sumoŭja. Pra hetuju chitraść u kampanii Vention raskazali devby.
«Tak, my čuli pra taki sposab prachodžańnia sumoŭjaŭ, kali kandydaty pa čarzie prachodziać intervju ŭ adnoj kampanii, a potym dzielacca infarmacyjaj. Časta dla hetaha stvarajucca ahulnyja čaty ŭ miesiendžarach. I heta nie adziny «kreatyŭny mietad», ź jakim my sutykalisia ŭ svajoj praktycy.
Naprykład, adnojčy siabar kandydata prajšoŭ za jaho pieršy etap sumoŭja z rekrucioram i pravierku anhlijskaj. Ale na nastupnym etapie, dzie treba było havaryć samastojna, jon «pasypaŭsia».
Taksama byli vypadki, kali padčas techničnaj častki intervju kandydaty karystalisia padkazkami siabroŭ. I było śmiešna, kali byŭ čutny šept «suflora».
Z adnaho boku, my pa-čałaviečy razumiejem takich ludziej. Usie kaliści šukali pracu i chacieli atrymać zapavietny ofier. Ale ŭsio ž lepš prachodzić sumoŭje sumlenna i prafiesijna. Navat nievialikija chitraści časta prykmietnyja. My bačym, kali kandydaty čytajuć z ekrana, pieraklučajucca pamiž układkami abo paŭtarajuć pytańni ŭsłych, vykarystoŭvajučy hałasavyja pamočniki.
Bo navat kali atrymajecca «ŭzłamać» sistemu i atrymać pracu, možna apynucca ŭ stresavym stanoviščy, kali adsutnaść skiłaŭ nie dazvolić vykonvać pastaŭlenyja zadačy».
U Vention adznačajuć, što intervju — heta dvuchbakovy praces, jaki dazvalaje abiedźvium bakam zrazumieć, ci padychodziać jany adzin adnamu.
Mienavita tamu ŭ adnoj i toj ža kampanii sumoŭje moža ŭklučać roznyja elemienty: testavyja zadańni, pahłyblenyja tearetyčnyja pytańni abo łajv-kodynh.
— Niaŭdałaje intervju — heta nie kaniec śvietu i dakładna nie prysud dla vašaj karjery. U nas šmat prykładaŭ, kali kandydaty paśla admovy viartalisia praz paŭhoda, zakryŭšy prabieły ŭ viedach, i paśpiachova atrymlivali offier.
Sumoŭje ŭ takich vypadkach stanovicca mahčymaściu atrymać kaštoŭnuju zvarotnuju suviaź i dośvied, jakija niemahčyma nabyć, prosta zavučyŭšy adkazy na pytańni.
Kamientary