Jak buduć vyhladać ludzi praz 1000 hadoŭ — prahnoz navukoŭcaŭ

Navukoŭcy adznačajuć, što technałahičny prahres, asvajeńnie kosmasu i źmieny klimatu robiać śviet niestabilnym i dynamičnym, a značyć, i ludzi niepaźbiežna buduć prystasoŭvacca da novych umoŭ.

Z dapamohaj hienieratara malunkaŭ na bazie štučnaha intelektu ImageFX ad Google kampanija MailOnline na padstavie prahnozaŭ viadučych navukoŭcaŭ prademanstravała, jak moža raźvivacca čałaviečaja rasa.

Nižej rostam

Pa słovach ekśpiertaŭ, raniej evalucyju vyznačała vysokaja śmiarotnaść da dzietarodnaha ŭzrostu — vyžyvali i razmnažalisia tolki najbolš prystasavanyja. Adnak dziakujučy sučasnaj miedycynie ŭsio bolš ludziej dažyvajuć da staleńnia, što mianiaje sam miechanizm naturalnaha adboru.

Prafiesar Mark Tomas, evalucyjny hienietyk z Univiersiteckaha kaledža Łondana, tłumačyć, što zaraz evalucyja budzie zaležać nie stolki ad vyžyvańnia, kolki ad pładavitaści. Čym bolš u čałavieka dziaciej, tym bolšaja vierahodnaść, što jaho hieny pieradaducca nastupnym pakaleńniam.

Pavialičyć

Niekatoryja vučonyja miarkujuć, što ŭ budučyni heta moža pryvieści da źnižeńnia siaredniaha rostu čałaviectva. Reč u tym, što rańniaje pałavoje paśpiavańnie (jakoje dazvalaje mieć bolš dziaciej za žyćcio) źviazana ź mienšym rostam.

Kali ludzi, u jakich pałavoje paśpiavańnie adbyvajecca raniej, sapraŭdy buduć mieć bolš dziaciej, to hieny, jakija adkazvajuć za rańniaje raźvićcio i nizki rost, mohuć z časam raspaŭsiudzicca ŭ papulacyi.

Bolš pryvabnyja

U budučyni, kali śmiarotnaść stanie mienš vyznačać evalucyju, hałoŭnym faktaram adboru, na dumku niekatorych ekśpiertaŭ, budzie kolkaść naščadkaŭ u čałavieka. Adzin z mahčymych efiektaŭ hetaha pracesu — pavyšeńnie pryvabnaści mužčyn.

Pavialičyć

Prafiesar Mark Tomas tłumačyć, što ŭ pryrodzie samki zvyčajna vybirajuć partnioraŭ, ale ŭ patryjarchalnym čałaviečym hramadstvie vybar zastajecca za mužčynaj.

Adnak pa miery libieralizacyi hramadstva vybar usio čaściej buduć rabić žančyny, źviartajučy ŭvahu jak na intelekt i paśpiachovaść, tak i na fizičnuju formu i źniešniuju pryvabnaść.

U vyniku na praciahu niekalkich tysiač hadoŭ hieny bolš pryvabnych mužčyn buduć pieradavacca čaściej, što ź ciaham času moža zrabić čałaviectva ŭ cełym bolš pryvabnym.

Padobny źniešni vyhlad i bolš ciomnaja skura

Adna z samych vialikich źmien, jakija prahnazujuć navukoŭcy, — toje, što čałaviectva stanie značna bolš adnastajnym pavodle źniešniaha vyhladu. Heta źviazana ź mienšaj izalavanaściu asobnych etnasaŭ i hrup i pašyreńniem mižetničnych šlubaŭ.

Pavialičyć

Na dumku Džejsana Chodžsana z Anhlijskaha ŭniviersiteta imia Reskina, u budučyni na indyvidualnym uzroŭni siaredniestatystyčny čałaviek stanie bolš hienietyčna raznastajnym, pakolki atrymaje ŭ spadčynu rysy adrazu mnostva etničnych hrup.

Adnak na ŭzroŭni papulacyi heta pryviadzie da źnižeńnia adroźnieńnia ŭ źniešnim vyhladzie, asabliva pa takich prykmietach, jak koler skury. U bolšaści ludziej jana budzie bolš ciomnaja.

Technałahična ŭdaskanalenyja

U budučyni, adznačaje Chodžsan, ludzi zmohuć šyrej vykarystoŭvać mahutnyja novyja technałohii, naprykład, pa ŭłasnym žadańni redahavać hieny. U vyniku jany zmohuć nabyć niekatoryja asablivaści, jakija ŭłaścivy žyviołam, što zrobić ich bolš prystasavanymi da navakolnaha asiarodździa.

Pavialičyć

Na dumku antrapołaha ź Viskonsinskaha ŭniviersiteta ŭ Medysanie Džona Choŭksa, u budučyni kultura i technałohii buduć upłyvać na źniešni vyhlad macniej, čym hienietyka. Jon prahnazuje, što ŭ budučyni buduć mahčymyja bijamadyfikacyi, takija jak źmieny koleru tatuiroŭki i intehracyja technałohij u čałaviečaje cieła.

Mienšy mozh

Robiert Bruks z Univiersiteta Novaha Paŭdniovaha Uelsa ličyć, što čałaviečy mozh z časam pamienšycca, pakolki kampjutary voźmuć na siabie bolšuju častku vyličalnych, sacyjalnych i infarmacyjnych zadač.

Pavialičyć

Paleantołah Nikałas Łonhrydž paraŭnoŭvaje budučuju evalucyju ludziej z chatnimi žyviołami, čyj mozh značna pamienšyŭsia paśla pryručeńnia (u sabak — na 30%). Jon miarkuje, što ludzi stanoviacca «samapryručanymi», traciačy zdolnaść da niezaležnaha myśleńnia i ŭsio bolš «płyvučy pa ciačeńni».

Adaptavanyja da ŭmoŭ kosmasu

Kali ŭ budučyni častka čałaviectva adpravicca ŭ kosmas, jana moža evalucyjanavać asobna ad ziamnoha nasielnictva. Antrapołah Džon Choŭks ličyć, što doŭhaterminovaja izalacyja na inšaj płaniecie moža pryvieści da źjaŭleńnia novaha vidu ludziej.

Pavialičyć

Tak, naprykład, na Marsie słabaja hravitacyja i niedachop soniečnaha śviatła mohuć vyklikać pavieličeńnie rostu, padaŭžeńnie ruk i blednaść skury dla lepšaha zasvajeńnia vitaminu D. Taksama vočy mohuć pavialičycca i stać bolš adčuvalnymi da słaboha aśviatleńnia. Nielha zabyvacca i pra mahčymaści źmien cieła čałavieka z dapamohaj roznych technałohij.

• 5
• 3
• 2
• 9
• 0
• 0
• 0
• 0