Partyja «Zialonyja» patrabuje spynić budaŭnictva AES u suviazi sa strataj davieru da «Rasatama»
Biełaruskaja partyja «Zialonyja» patrabuje spynić budaŭnictva AES u Astraŭcy z-za straty davieru da dziaržaŭnaj karparacyi «Rasatam». Pra heta havorycca ŭ zajavie arhanizacyi, zroblenaj u suviazi z padzieńniem korpusa reaktara na budaŭničaj placoŭcy.
U dakumiencie adznačajecca, što spačatku infarmacyja ab nadzvyčajnym zdareńni pry budaŭnictvie AES u Astraŭcy zamoŭčvałasia, zatym «Rasatam» admaŭlaŭ surjoznaść taho, što adbyłosia, błytaŭsia ŭ farmuloŭkach.
«Kali havorka idzie pra nadziejnaść i harantyi biaśpieki AES, pradstaŭniki karparacyi «Rasatam» na słovach abiacajuć nievierahodna vysokija standarty jakaści i niabačany ŭzrovień kantrolu i biaśpieki. Tak, apisvajučy patrabavańni da jakaści reaktara «VVER-1200», havorycca:» Reaktar z unutrykorpusnymi pryładami ŭ sabranym vyhladzie na AES nie pieravoziać. Vyrab składajecca z asobnych častak, ich možna paškodzić pry pieravozcy, a kožnaja, navat mikradrapina na korpusie atamnaha hihanta — brak». Adnak, kali sprava dachodzić da realizacyi takich hučnych abiacańniaŭ, to akazvajecca, što «Rasatam» i nie źbirajecca ich biezumoŭna vykonvać», — havorycca ŭ zajavie.
«Zialonyja» ličać, što «Rasatam» naŭmysna sprabuje schavać ad biełaruskaha boku infarmacyju ab stanie reaktara i ab chodzie budaŭnictva. «Paśla taho, što zdaryłasia, i dalej daviarać słovam i abiacańniam «Rasatama» było b złačynnaj chałatnaściu. Pramym śledstvam utojvańnia infarmacyi i sprob uvieści ŭ zman źjaŭlajecca strata davieru da rasijskaj dziaržaŭnaj karparacyi», — padkreślivajuć aŭtary.
Partyja ličyć niemahčymym «dalejšaje vykanańnie ŭziatych na siabie abaviazacielstvaŭ karparacyjaj «Rasatam», pakolki jaje naŭmysnyja dziejańni niezvarotna padarvali davier da jaje jak da partniora».
«Zialonyja» ličać, što budaŭnictva AES u Astraŭcy pavinna być «nieadkładna i biez usialakich dadatkovych umoŭ spyniena». «AES tańniej nie dabudavać siońnia, čym likvidavać katastrafičnyja nastupstvy zaŭtra», — pierakananyja jany.
Z patrabavańniem nieadkładna spynić budaŭnictva stancyi 3 žniŭnia vystupili aktyvisty Biełaruskaj antyjadziernaj kampanii. Adpaviedny zvarot byŭ adrasavany kiraŭnictvu Biełarusi, Litvy i ES, vykanaŭcam i kantralujučym budaŭnictva BiełAES orhanam, a taksama takim mižnarodnym arhanizacyjam, jak Kamitet pa ažyćciaŭleńni kanviencyi Espaa i MAHATE.
Incydent adbyŭsia 10 lipienia. Padčas trenirovačnaj probnaj ustanoŭki korpusa reaktara 330-tonny ahrehat upaŭ z vyšyni ad dvuch da čatyroch mietraŭ. Jak paviedamiŭ 1 žniŭnia namieśnik ministra enierhietyki Michaił Michadziuk, mantaž korpusa reaktara prypynieny. Dziaržkarparacyja «Rasatam» zajaviła pra hatoŭnaść zamianić korpus reaktara pry žadańni zakazčyka.
Za ŭdzieł u pratestach buduć sudzić zornuju fitnes-instruktarku Natallu Navažyłavu14
Kamientary