Спорт33

«Беларускі футбол амаль не гляджу». Экс-трэнер нацыянальнай зборнай амаль два месяцы адпачывае ў Балгарыі

Георгій Кандрацьеў распавёў nv-online.info пра свой адпачынак пасля адстаўкі, пра жыццё на пенсіі і пракаментаваў прызначэнне іспанца на пасаду настаўніка нацыянальнай каманды.

Георгій Кандрацьеў. Фота з адкрытых крыніц

29 чэрвеня стала вядома, што Георгій Кандрацьеў пакінуў пасаду галоўнага трэнера зборнай Беларусі. Такое рашэнне прыняло кіраўніцтва асацыяцыі Беларускай федэрацыі футбола.

— Я ўжо амаль два месяцы адпачываю ў Балгарыі, — кажа Георгій Кандрацьеў. — Амаль адразу ж пасля адстаўкі і з'ехаў — 4 ліпеня.

— Мора, чайкі, балгарскае віно…

— Мора, сонца і вада — нашы найлепшыя сябры. А вось віна не хочацца. Тут вадзічку пастаянна п'еш, бо вельмі горача.

— У Беларусі таксама да апошняга часу надвор'е было, як на курорце.

— У нас у гэтым плане камфортней — плюс 27—28. Пару дзён толькі моцная спякота стаяла.

— У вас сямейны адпачынак?

— Адпачываем я, жонка і сабака. Сабачка ў нас маленькі, спакойненькі, таму пералёт перанёс нармальна.

— Доўга яшчэ збіраецеся быць на курорце?

— У наступным месяцы вяртаемся.

— Два месяцы — нядрэнны адпачынак…

— Які адпачынак, калі я са студзеня гэтага года ўжо на пенсіі?

Пенсіянер можа адпачываць колькі заўгодна. Як кажуць, чалавек мае права на працу і на адпачынак.

— Пенсія прыстойная?

— Я б не сказаў — менш за тысячу рублёў на месяц.

Не ведаю, як яе разлічвалі, але атрымалася так, як атрымалася.

— Ці ёсць планы на найбліжэйшую будучыню?

— Якія планы?! Адпачываю — вось і ўсё. Няма ніякіх планаў…

— А новых трэнерскіх прапаноў не паступала?

— Хопіць мне ўжо гэтай трэнерскай дзейнасці. Наеўся трэнерства, цяпер — на пенсіі.

Цяпер у мяне іншае жыццё.

— На адпачынку сачылі за выступам беларускіх клубаў у еўракубках, за беларускім чэмпіянатам?

— Амаль не глядзеў. Гуляюць хлопцы — і няхай гуляюць. Часам гляджу тут нейкія замежныя матчы, але беларускім першынством не цікаўлюся.

— Але напэўна чулі, што на ваша месца ў зборнай Беларусі прыйшоў іспанец Карлас Алос?

— Чуў, вядома. Але не хачу нічога каментаваць, усё пакажа час. Паглядзім, што гэта за трэнер.

— Можа, падыме нацыянальную каманду на высокія вышыні?

— А што, іспанец у зборную Беларусі і іспанскіх футбалістаў прывязе?.. Паўтаруся, час усё пакажа…

***

У пачатку гэтага месяца стала вядома, што новым галоўным трэнерам зборнай Беларусі прызначаны іспанец Карлас Алос.

Кантракт з 48-гадовым спецыялістам разлічаны да канца 2024 года. Пры гэтым пагадненне прадугледжвае опцыю пралангацыі ў выпадку дасягнення пастаўленых мэт.

Такім чынам, Алос будзе працаваць з камандай у астатніх матчах кваліфікацыі Еўра-2024, а таксама ў наступным розыгрышы Лігі нацый.

Раней Карлас Алос узначальваў зборную Руанды, якая пад яго кіраўніцтвам правяла сем матчаў. У гэтых гульнях афрыканская каманда не перамагала — чатыры нічыі і тры паразы.

Каментары3

  • Ёсік
    23.08.2023
    Я ўжо наеўся..., чуў не аднаразова ад аднаго мужыка, алё ніяк не наесца.
  • Žvir
    23.08.2023
    Jon i ŭ čas svajho trenierstva ŭ nacyjanalnaj kamandzie nie hliadzieŭ bielaruski futbol...
  • Бобр
    23.08.2023
    Наивно было ожидать от него результата сборной. Он хороший тренер молодёжки, как и Захаров в свое время юниорской. Но одно дело работать с молодежью, а другое со взрослыми дядьками. Наверное только у Малофеева был более менее результат.

У Мінску знік вядомы прарасійскі блогер і госць лукашэнкаўскай прапаганды6

У Мінску знік вядомы прарасійскі блогер і госць лукашэнкаўскай прапаганды

Усе навіны →
Усе навіны

Лукашэнка атрымаў віншаванне з «перамогай» на выбарах ад прэзідэнта Грузіі4

Кітай пачаў прапаноўваць краінам сваё фінансаванне замест USAID22

Зяленскі заявіў, што прапануе Расіі занятую УСУ частку Куршчыны на абмен5

Прызналі «экстрэмісцкай» выяву «Мёртвая галава»6

«За мной Масква!» Як «алігарх мясцовага разліву» пагражаў загадчыцы кафедры БДУ8

У Сірыі калону расійскіх вайскоўцаў не пусцілі на базу ў Тартусе4

Аплікацыя «Новая Беларусь» змяніла назву. Цяпер гэта платформа Svae6

Пры пераводах грошай у калоніі на пошце сталі патрабаваць пашпарт

Беларуска аформіла на сябе крэдыт для сяброўкі, а тая адмовілася даваць грошы. Што адказалі ў судзе?1

больш чытаных навін
больш лайканых навін

У Мінску знік вядомы прарасійскі блогер і госць лукашэнкаўскай прапаганды6

У Мінску знік вядомы прарасійскі блогер і госць лукашэнкаўскай прапаганды

Галоўнае
Усе навіны →

Заўвага:

 

 

 

 

Закрыць Паведаміць