Baćka čaćviarych dziaciej u Ivacevickim rajonie publična admoviŭsia ad ich
Žychara Ivacevickaha rajona pazbavili baćkoŭskich pravoŭ na čaćviarych niepaŭnaletnich dziaciej za ihnaravańnie pytańniaŭ ich vychavańnia i praciahłaje ŭchileńnie ad vypłaty alimientaŭ. Pra hety vypadak raspaviała słužba infarmacyi prakuratury Bresckaj vobłaści.
Padčas razhladu spravy ŭ sudzie mužčyna «vykazaŭ poŭnuju abyjakavaść da svaich dziaciej, adsutnaść zacikaŭlenaści ŭ ich dobrym zdaroŭi, maralnym i fizičnym raźvićci, a taksama niežadańnie ŭ dalejšym akazvać im baćkoŭski kłopat i padtrymku». U chodzie pracesu mužčyna zajaviŭ, što «lepš siadzie ŭ turmu, čym budzie płacić alimienty na dziaciej».
U prakuratury nahadvajuć, što pazbaŭleńnie baćkoŭskich pravoŭ — heta vyklučnaja miera, jakaja prymianiajecca dla praduchileńnia niehatyŭnych nastupstvaŭ u raźvićci i sacyjalnaj adaptacyi dziaciej.
Pravierka pakazała, što mužčyna nieadnarazova pryciahvaŭsia da kryminalnaj i administracyjnaj adkaznaści, maje vialikuju zapazyčanaść pa alimientach. Ciapier jon adbyvaje pakarańnie ŭ vyhladzie pazbaŭleńnia voli.
Akramia taho, raniej było pryznana, što dzieci znachodziacca ŭ sacyjalna niebiaśpiečnym stanoviščy praz złoŭžyvańnie ich baćkam śpirtnymi napojami. Mužčyna doŭhi čas nidzie nie pracavaŭ i kanfliktavaŭ z členami siamji.
Sud Ivacevickaha rajona zadavoliŭ pazoŭ ab pazbaŭleńni baćkoŭskich pravoŭ u dačynieńni da čaćviarych niepaŭnaletnich dziaciej u poŭnym abjomie.
-
Novaja praktyka: prajści sumoŭje «paravozikam». Ajcišniki chodziać pa čarzie na intervju, a potym dzielacca zadańniami
-
Łukašenka daŭ UNS šyrokija paŭnamoctvy i ciapier nie viedaje, jak arhanizavać, kab hety schod nikomu nie zaminaŭ
-
Minpadatkaŭ raskazała pra novaje ŭ dekłaracyjach, dachody z-za miažy i žyćcio nie pa srodkach
Za ŭdzieł u pratestach buduć sudzić zornuju fitnes-instruktarku Natallu Navažyłavu11
Kamientary
Ahrofiurier spoił biełorusskich mužčin.... Abyjakavaść da žyćcia...