Znajomaja paabiacała minčuku pryhnać mašynu z-za miažy, ale ŭsie hrošy prajhrała ŭ kazino
Kali jaje znajšli, hrošy jana viarnuła, ale ad kryminalnaj spravy heta nie vyratavała.
Minčuk damoviŭsia sa znajomaj, što jana dapamoža jamu pryhnać mašynu z-za miažy. Mužčyna pieradaŭ joj hrošy, ale paśla hetaha pryjacielka raptam źnikła i pierastała brać słuchaŭku.
Tady 42-hadovy žychar stalicy vyrašyŭ źviarnucca ŭ milicyju. Nieŭzabavie siłaviki znajšli jaho znajomuju. 32-hadovaja žančyna pryznałasia, što atrymała hrošy i pavinna była pieravieści ich na zamiežny rachunak za mašynu. Ale zamiest hetaha jana vyrašyła pahulać u anłajn-kazino, kab padzarabić — i prajhrała amal usie hrošy za niekalki stavak.
Paviedamlać pryjacielu pra toje, što hrošaj bolš niama, nie zachacieŭ i prosta pierastała vychodzić na suviaź.
Kali minčuk źviarnuŭsia ŭ milicyju, žančyna kampiensavała skradzienaje ŭ poŭnym abjomie. Tym nie mienš pa vynikach pravierki śledčymi zaviedziena kryminalnaja sprava za machlarstva ŭ asabliva bujnym pamiery.
Kamientary