Śviata-Jelisaviecinski manastyr šle listy katalickim hramadam u Jeŭropie. Ich źmiest vas ździvić
Śviata-Jelisaviecinski manastyr rassyłaje listy katalickim hramadam Zachodniaj Jeŭropy, jakimi sprabuje pierakanać, što, maŭlaŭ, nie padtrymlivaje Rasiju ŭ vajnie suprać Ukrainy.
Aŭtary lista śćviardžajuć, što infarmacyja pra kuplu dronaŭ i aŭtamabilaŭ dla rasijskaha vojska ŭ manastyry chłuślivaja. U tekście skazana, što manastyr nie zajmaje ničyj bok u vajnie i nie dapamahaje vajskoŭcam, paviedamlaje «Chryścijanskaja vizija».
U manastyry zapeŭnivajuć, što dapamahajuć tolki sirotam, biazdolnym i biedniakam. Tolki niekatoryja manaški, jak śćviardžajecca, udzielničajuć u humanitarnaj misii i dapamahajuć achviaram vajny.
Aŭtary lista prosiać «nie vieryć paklopu, jaki raspaŭsiudžvajecca ŭ dačynieńni da manastyra» i «zachoŭvać duch siabroŭstva pamiž pravasłaŭnymi i katalikami».
Žurnalisty raniej nieadnarazova znachodzili dokazy dapamohi, jakuju akazvaje manastyr rasijskim vajskoŭcam. Na hrošy, sabranyja ŭ im, zakuplalisia ŭ tym liku aŭtamabili dla rasijskaj armii. Akramia taho, u manastyry prachodzili vystavy, pryśviečanyja rasijskim «hierojam SVA», a taksama chrosnyja chady i kancerty z Z-simvolikaj dy rasijskimi ściahami.
U Śviata-Jelisaviecinskim manastyry znoŭ praviali chresny chod z rasijskimi ściahami, Z i ściahami NOD
Jak były chipi staŭ na čale manastyra. Historyja adyjoznaha śviatara Andreja Lemiašonka
Jak Śviata-Jelisaviecinski žanočy manastyr pieratvaryŭsia ŭ sapraŭdny biznes-chołdynh
Rasijskija vajskoŭcy va Ukrainie padziakavali za dapamohu niekalkim biełaruskim manastyram. Siarod ich tyja, jakija raniej nie śviacilisia
«Ja nie viedaju, chto i kaho vybiraje». Praŭładny śviatar Andrej Lemiašonak spadziajecca, što zamiest jaho niechta prahałasuje
Za ŭdzieł u pratestach buduć sudzić zornuju fitnes-instruktarku Natallu Navažyłavu14
Kamientary