U Sankt-Pieciarburhu sudziać biełarusa, jaki dapamahaŭ vyjechać z Rasii afhanskaj žurnalistcy
Kiraŭski sud Sankt-Pieciarburha razhladaje spravu suprać 14 čałaviek z Afhanistana i Biełarusi, jakich abvinavačvajuć u niezakonnym pierasiačeńni rasijskaj miažy. Siarod abvinavačanych — biełarus Alaksandr Maculevič, piša «Miedyjazona» sa spasyłkaj na rasijskija ŚMI.
Maculeviča abvinavačvajuć u arhanizacyi vyjezdu i dačy chabaru načalniku pamiežnaj słužby FSB Rasii. Pavodle viersii śledstva, jon — razam ź inšym pieravozčykam, Džełani Hułama, — abiacaŭ afhanskaj žurnalistcy Kobry Chasani davieźci jaje da Hiermanii i zrabić dakumienty.
Słuchańni pa spravie prachodziać z kastryčnika 2023 hoda. 6 lutaha 2024 hoda Chasani vystupiła z apošnim słovam. Prakuror zapytaŭ dla jaje 3 hady kałonii pavodle artykuła ab niezakonnym pierasiačeńni miažy (častka 3 artykuła 322 KK RF).
22 maja 2022 hoda Chasani i siamiora hramadzian Afhanistana vyjechali z Maskvy ŭ Sankt-Pieciarburh, adkul jany płanavali trapić u Jeŭropu. Dla hetaha kožny ź ich pavinien byŭ zapłacić pa 3 tysiačy dalaraŭ, pisała vydańnie «Sievier. Riealii».
U Pieciarburhu ŭ 12 afhancaŭ sabrali pa 500 dalaraŭ, ź jakich, pa viersii abvinavačvańnia, Maculevič źbiraŭsia dać chabar na miažy. Da miažy jany nie dabralisia, bo ŭsich udzielnikaŭ pierajezdu zatrymali supracoŭniki FSB.
U Afhanistanie Chasani supracoŭničała z tureckim infarmahienctvam Anadolu i amierykanskim radyjo National Public Radio News, a taksama pracavała na kanale Afganistan Youth TV. Z krainy jana ŭciakła paśla zachopu ŭłady talibami ŭ žniŭni 2021 hoda.
Byłomu premjeru Pakistana i jahonaj žoncy dali pa 7 hadoŭ źniavoleńnia za toje, što nadta chutka pažanilisia
Homielskich školnikaŭ prymusiać šukać hieraičnaje minułaje ŭ Afhanskaj vajnie. Ciapier ideołahi nazvali jaje «śpiecapieracyjaj»
Piłoty biznes-džeta, što raźbiŭsia ŭ harach Afhanistana, lotali pa padroblenych dakumientach, a sam bort nie prajšoŭ techahlad
Za ŭdzieł u pratestach buduć sudzić zornuju fitnes-instruktarku Natallu Navažyłavu12
Kamientary