«Kibierpartyzany» raskazali pra novy sposab machlarstva ŭ telehramie
Kali znajomy dasyłaje vam hałasavoje paviedamleńnie, to ŭvažliva prysłuchajciesia da hołasa.
Pa źviestkach «Kibierpartyzanaŭ», novy vid machlarstva pakul što raspaŭsiudžvajecca tolki ŭ telehramie.
Machlary dasyłajuć padroblenuju spasyłku, jakaja zmušaje vas zajści ŭ telehram. Paśla hetaha akaŭnt zachoplivajuć, a kantaktam pačynajuć rassyłać paviedamleńni z hołasam čałavieka, na jakoha zarehistravany akaŭnt. Robicca heta šlacham vypampoŭvańnia hałasavych paviedamleńniaŭ, jakija vy dasyłali raniej dy štučnaha intelektu.
Paśla hetaha dasyłajucca rekvizity, na jakija «terminova treba skinuć hrošy». Viadoma, paśla hetaha machlary źnikajuć.
«Kibierpartyzany» kažuć, što hołas u takim vypadku davoli padobny da sapraŭdnaha. Jany rajać źviartać uvahu na nienaturalnyja intanacyi, paŭzy praz roŭny pramiežak času i niapravilnyja naciski ŭ słovach.
Taksama varta naściarožana stavicca da lubych raptoŭnych prośbaŭ pazyčyć hrošy. Spraŭdžvajcie, ci sapraŭdy vam piša toj, za kaho siabie vydaje, i daskanała raspytvajcie, na što čałavieku mohuć spatrebicca hrošy.
«Naša Niva» — bastyjon biełaruščyny
PADTRYMAĆ«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ35
Kamientary