Zirnicie, jakuju kvateru pradaje vice-prezidentka ZŠA Kamała Charys
Z momantu svajoj inaŭhuracyi vice-prezident ZŠA Kamała Charys žyvie nasuprać Biełaha doma ŭ Błer Chaŭs, pakul Vajenna-marskaja absiervatoryja ZŠA, tradycyjny dom amierykanskaha vice-prezidenta, znachodzicca na rekanstrukcyi.
Ciapier były dom Charys, kandaminium u Vašynhtonie, vystaŭleny na prodaž, paviedamlaje The Wall Street Journal.
Nieruchomaść, jakaja vyjšła na rynak za $1,995 miljona, stanie druhoj majomaściu, jakuju Kamała Charys pradała z momantu jaje inaŭhuracyi.
Jaje kvatera ŭ San-Francyska była pradadzienaja ŭ sakaviku za $860 tysiač, što našmat bolš, čym $489 tysiač, jakija vice-prezident zapłaciła za jaje ŭ 2004 hodzie. Za kvateru ŭ Vašynhtonie, nabytuju ŭ 2017 hodzie, Charys zapłaciła $1,775 miljona.
U kvatery płoščaj kala 158 kvadratnych mietraŭ jość dźvie spalni, dźvie vanny i pracoŭny kabiniet. Akramia hetaha, u apartamientach draŭlanaja padłoha z naturalnaha dubu, vanna ŭ styli spa i kuchnia ź italjanskaj meblaj. U budynku jość terasa dla hryla na dachu, fitnes-centr, pryvatnaja kłubnaja zała i 25-mietrovy basiejn z padahrevam na dachu. Da taho ž, u budynku jość sistema filtracyi pavietra, jakaja pieraškadžaje raspaŭsiudžvańniu karanavirusa.
Za ŭdzieł u pratestach buduć sudzić zornuju fitnes-instruktarku Natallu Navažyłavu12
Kamientary