Спагнанне некаторых запазычанасцяў патрапіць пад спрошчаную выканаўчую вытворчасць, паведаміў міністр юстыцыі Яўген Каваленка.
Міністр юстыцыі сказаў, што яго ведамства працуе над «далейшым удасканаленнем» дзейнасці органаў прымусовага выканання, а таксама «ўдасканаленнем заканадаўства па гэтых пытаннях».
У прыватнасці, паводле яго слоў, цяпер рыхтуецца да другога чытання распрацаваны Міністэрствам юстыцыі праект закона «Аб змяненні законаў па пытаннях выканаўчай вытворчасці», якім будзе ўведзены, сярод іншага, механізм спрошчанай выканаўчай вытворчасці.
Такі механізм будзе прымяняцца, калі сума спагнання «нязначная, да 20 базавых велічынь» (цяпер гэта 840 рублёў), сказаў Каваленка.
«Спагнанне будзе ажыццяўляцца максімальна аператыўна, без афармлення лішніх папер, з выкарыстаннем рознага роду сродкаў аўтаматызацыі», — піша БелТА.
У прыватнасці, пад спрошчанае выканаўчая вытворчасць патрапіць спагнанне штрафаў за парушэнне ПДР, зафіксаваныя з дапамогай сістэмы фотафіксацыі.
«Гэта значыць, атрымліваецца сістэма, калі ў аўтаматычным рэжыме ажыццёўлена фіксацыя правапарушэння і таксама ў спрошчаным, у значнай ступені аўтаматычным рэжыме, будзе ажыццяўляцца спагнанне па гэтым правапарушэнні шляхам спісання грашовых сродкаў з рахунку парушальніка», — адзначыў Яўген Каваленка.
Шарэнда-Панасюк: Патрэбная жорсткая эканамічная блакада рэжыму Лукашэнкі. Толькі ціск і санкцыі35
Каментары
Чалавек распланаваў выкананне сваіх абавязкаў: таму заплаці, неабходнае сёння купі.. А тут бац! Раптам і нечакана, менавіта сёння ўжо няма чым плаціць, бо... І чалавек не можа выканаць свае абавязкі. Далей ланцужок і хаос неплацяжоў.
Чалавек сам мусіць планаваць і разумець свае аплаты.
А калі доўга не плаціць штрафу, то і так спішацца, раскажыце пра гэта міністру.
Дапускаю, што міністр юстыцыі не прывык думаць, што яму рабіць і каму плаціць, ды і грошай мае поўныя матрацы што аж 840 "нязначная сума", але ж падкажыце яму хто там блізка.
У нас жа ай-ці сасуд.