Dackaja raźviedka papiaredziła pra pahrozu vialikaj vajny ŭ Jeŭropie praź piać hadoŭ paśla bajavych dziejańniaŭ va Ukrainie
Rasija zmoža pačać bujnamaštabnuju ataku na jeŭrapiejskija krainy praź piać hadoŭ paśla zakančeńnia abo prypynieńnia bajavych dziejańniaŭ va Ukrainie, kali paličyć błok NATO asłablenym abo palityčna padzielenym, havorycca ŭ apublikavanym u aŭtorak dakładzie dackaj słužby źniešniaj raźviedki (DDIS), piša «Ahientstvo».
U 2024 hodzie Rasija pierajšła da intensiŭnaha pieraŭzbrajeńnia vojska z metaj atrymać mahčymaść na roŭnych supraćstajać NATO, havorycca ŭ dakładzie.
Pavodle acenki DDIS, padtrymka z boku Kitaja, Paŭnočnaj Karei i Irana dazvalaje Maskvie vyzvalać resursy dla pieraŭzbrajeńnia.
U ciapierašni čas Kreml imkniecca paźbiahać dziejańniaŭ, jakija mohuć pryvieści da ŭžyvańnia artykuła ab kalektyŭnaj abaronie krain Paŭnočnaatłantyčnaj damovy, havorycca ŭ dakładzie.
Adnak Maskva moža pačać bolš ryzykavać, kali suadnosiny sił u rehijonie źmieniacca na jaje karyść, ličać pradstaŭniki dackaj vyviedki.
«Rasija <… rychtujecca da vajny suprać NATO. Heta nie aznačaje, što pryniataja pastanova ab pačatku takoj vajny, ale Rasija ŭzbrojvajecca i naroščvaje patencyjał, kab pryniać takuju pastanovu», — havorycca ŭ dakładzie.
Pryniać rašeńnie ab pačatku vajny suprać NATA Kreml moža, kali paličyć, što ZŠA nie stanuć padtrymlivać jeŭrapiejskija krainy ŭ vajnie z Rasijaj, miarkujuć u DDIS. Stupień pahrozy z boku Maskvy taksama zaležyć ad taho, što adbyvajecca va Ukrainie.
«Małavierahodna, što Rasija adnačasova budzie vieści jak vajnu va Ukrainie, tak i vajnu z adnoj ci niekalkimi dziaržavami NATO», — miarkujuć u dackaj vyviedcy.
Prypynieńnie abo spynieńnie vajny vyzvalić resursy Kramla dla padrychtoŭki da kanfliktu z Paŭnočnaatłantyčnym aljansam, upeŭnienyja ŭ DDIS.
Praz paŭhoda paśla zaviaršeńnia bajavych dziejańniaŭ va Ukrainie, pavodle acenki dackaj vyviedki, Maskva zmoža pačać łakalnuju vajnu ŭ adnoj z krain, jakija miažujuć z Rasijaj. Praz dva hady Rasija budzie pradstaŭlać realnuju pahrozu dla adnoj abo niekalkich krain NATO i moža raźviazać, naprykład, rehijanalnuju vajnu ŭ Bałtyjskim rehijonie. Praź piać hadoŭ Maskva budzie hatovaja da bujnamaštabnaj vajny ŭ Jeŭropie, kali zrazumieje, što ZŠA nie buduć u jaje ŭklučacca, ličać u DDIS.
Taksama ŭ dakładzie adznačajecca, što Rasija budzie naroščvać svaju prysutnaść u Arktycy. Pavodle acenki dackaj vyviedki, Kreml moža pajści tut na pravakacyi, u pryvatnaści, imitujučy ataki na samaloty inšych dziaržaŭ rehijonu.
Heta nie pieršaje papiaredžańnie pra pahrozu napadu Rasii na NATO z boku śpiecsłužbaŭ krain aljansu. U śniežni 2023 hoda niamiecki ministr abarony Barys Pistoryus zajaviŭ, što dla naroščvańnia vytvorčaści ŭ abaronnaj pramysłovaści krain ES jość piać-vosiem hadoŭ.
U kancy listapada 2024 hoda prezident Fiederalnaj raźviedvalnaj słužby Hiermanii (BND) Bruna Kal zajaviŭ, što Rasija budzie hatovaja da napadu na adnu abo niekalki krain NATA da kanca hetaha dziesiacihodździa.
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ35
Kamientary