Biełaruski vunderkind Alaksiej Majoraŭ zabiŭ čatyry hały za «Reał» i pryvioŭ u zachapleńnie ispanskuju presu
12-hadovy biełarus aformiŭ pokier u matčy dziciačaha čempijanatu Ispanii.
Biełaruski vunderkind Alaksiej Majoraŭ, jaki vučycca futbołu ŭ akademii madrydskaha «Reała», zabiŭ čatyry hały ŭ matčy dziciačaha čempijanatu Ispanii.
12-hadovy futbalist zabiŭ čatyry hały ŭ hulni suprać kamandy «San-Błas», što dapamahło jahonaj kamandzie «Infantyl B» razhramić sapiernikaŭ ź likam 7:2.
Za Majorava raniej zmahalisia takija supierkłuby, jak «Barsiełona» i «Reał», ale Alaksiej zrabiŭ vybar na karyść «Karaleŭskaha kłuba». Jon hulaje za «Infantyl B» — kamandu, u jakoj vystupajuć dzieci da 13 hadoŭ. Heta była tolki druhaja hulnia Alaksieja za novuju kamandu, i jon užo prajaviŭ siabie z najlepšaha boku.
Vydatnuju hulniu junaha biełarusa zaŭvažyła viadučaje ispanskaje spartyŭnaje vydańnie Marca, jakoje nazvała jaho «biełaruskaj žamčužynaj «Ła Fabryki» (tak nazyvajuć futbolnuju akademiju «Reała»).
«Hulec demanstruje jakaści, nieŭłaścivyja dla dziciaci. U jaho vyłučajucca ŭdar, majsterstva i vynikovaść — mienavita heta my ŭbačyli ŭ jaho druhoj hulni ŭ biełaj futbołcy. Hoł sa štrafnoha, dva mahutnyja ŭdary z-za miežaŭ štrafnoj i dakładny ŭdar paśla vydatnaj pieradačy pamiž linijami — tak vunderkind aformiŭ pakier», — piša Marca.
Raniej Majoraŭ užo pakazaŭ siabie ŭ składzie «Reała» na turniry ŭ Partuhalii, dzie staŭ najlepšym bambardziram, zabiŭšy siem hałoŭ u troch matčach.
Alaksiej — unuk viadomaha ŭ minułym futbalista minskaha «Dynama» Alaksandra Kiścienia. U 12 hadoŭ jon užo paśpieŭ papracavać u sistemach roznych kłubaŭ: minskaha «Dynama», «Minska», a taksama krychu pahulać u sistemie maskoŭskaha «Spartaka», paśla čaho pierajechaŭ u Ispaniju, dzie zajmaŭsia futbołam u škołach «Espańjoła» i «Sierdańjoły». Tam jaho i zaŭvažyli skaŭty ispanskich hrandaŭ.
12-hadovy Alaksiej Majoraŭ pačaŭ u «Reale» ź pieramohi i zvańnia najlepšaha bambardzira
12-hadovy Alaksiej Majoraŭ: Ci mahu ja dabicca bolšaha, čym Hleb? Kaniečnie!
12-hadovy biełaruski futbalist zrabiŭ vybar pamiž «Reałam» i «Barsiełonaj»
«Ja nie Miesi — ja lepšy za jaho». Madrydski «Reał» padpisaŭ 12-hadovaha biełaruskaha futbalista
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ16
Kamientary