Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA
Supiernikam «Dynama» byŭ armianski «Piunik».
Tydzień tamu ŭ Vienhryi byŭ lik 0:0. Siońnia hulnia ŭ Jerevanie kaciłasia taksama da 0:0.
Ale na 90-j chvilinie armianie sfalili ŭ svajoj štrafnoj. Pienalci realizavaŭ Alaksiej Haŭryłovič — 1:0.
U 2-m raŭndzie «Dynama» zhulaje z bałharskim «Łudahorcam», jaki pa sumie dvuch matčaŭ prajšoŭ batumskaje «Dynama» (3:1, 0:1).
Pieršy matč adbudziecca ŭ Bałharyi ŭ nastupnuju sieradu, 24 lipienia.
U minułym siezonie «Łudahorac» startavaŭ taksama u kvalifikacyi Lihi čempijonaŭ, prajšoŭ kosaŭski «Bałkani» (0:2, 4:0), prajhraŭ u druhim raŭndzie słavienskaj «Alimpii» (1:1, 1,2).
U trecim raŭndzie Lihi Jeŭropy ź lohkaściu prajšoŭ «Astanu» (1:2, 5:1), a ŭ płej-of Lihi Jeŭropy prajhraŭ «Ajaksu» (1:4, 1:0) i trapiŭ u hrupavy raŭnd Lihi kanfierencyj.
Tam hulaŭ u hrupavym raŭndzie z tureckim «Fienierbachče», dackim «Naršełanam», słavackim «Spartakom», zaniaŭ druhoje miesca, vyjšaŭ u płej-of, dzie sastupiŭ šviejcarskamu «Servietu» (0:1, 0:1).
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ16
Kamientary