Polšča choča raźmiaścić na svajoj terytoryi jadziernuju zbroju ŭ adkaz na raźmiaščeńnie rasijskaj u Biełarusi
Premjer-ministr Polščy Matevuš Maraviecki zajaviŭ, što jahonaja kraina chacieła b dałučycca da prahramy jadziernaha abmienu siarod krain NATA, uličvajučy namiery Rasii raźmiaścić taktyčnuju jadziernuju zbroju na terytoryi Biełarusi. Pra heta jon skazaŭ paśla samitu ŭ Brusieli, jak paviedamlaje «Jeŭrapiejskaja praŭda».
Maraviecki paćvierdziŭ, što Varšava zacikaŭlenaja va ŭdziele ŭ hetaj prahramie.
«Kančatkovaje rašeńnie budzie zaležać ad našych amierykanskich, nataŭskich partnioraŭ. My zajaŭlajem pra našu volu dziejničać chutka ŭ hetym pytańni», — adznačyŭ polski premjer.
Taksama Maraviecki padkreśliŭ, što «my nie chočam siadzieć skłaŭšy ruki, pakul Pucin nahniataje roznaha rodu pahrozy».
Jadzierny abmien (Nuclear Sharing) — heta prahrama jadziernaha strymlivańnia NATA. Jana dazvalaje raźmiaščać jadziernyja bojehałoŭki na terytoryi krain — siabrovak aljansu, jakija nie majuć ułasnaj jadziernaj zbroi. Ź listapada 2009 hoda ŭ ramkach hetaj prahramy jadziernaja zbroja ZŠA raźmieščanaja ŭ Bielhii, Hiermanii, Italii, Niderłandach i Turcyi.
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ16
Kamientary