Prafsajuzy śvietu zaklikali ŭvieści poŭnuju ekanamičnuju błakadu łukašenkaŭskaha režymu
U nastupnym miesiacy adbudziecca kanfierencyja Mižnarodnaj arhanizacyi pracy, udzielniki jakoj buduć hałasavać za drakonaŭskija sankcyi ŭ dačynieńni da režymu Łukašenki za represii suprać pracoŭnych.
Prafsajuznyja asacyjacyi śvietu vypuścili sumiesnuju zajavu, u jakoj hučyć patrabavańnie da Mižnarodnaj arhanizacyi pracy (MAP) inicyjavać 33-y parahraf jaje statuta ŭ dačynieńni da režymu Alaksandra Łukašenki. Pra heta 26 maja napisała Mižnarodnaja fiederacyja žurnalistaŭ, jakaja jość adnym z padpisantaŭ zajavy.
Pad hetaj zajavaj padpisalisia bolš za 10 vialikich mižnarodnych arhanizacyj, u tym liku Mižnarodnaja kanfiederacyja prafsajuzaŭ, Mižnarodnaja fiederacyja transpartnikaŭ, Hłabalny sajuz rabočych-mietalistaŭ, Mižnarodnaja fiederacyja žurnalistaŭ dy inšyja.
Zvarot Suśvietnych prafsajuzaŭ prymierkavany da červieńskaj kanfierencyi pracy, na jakoj budzie prachodzić hałasavańnie za ŭviadzieńnie suprać Biełarusi «33-ha parahrafa»: vyklučnych ekanamičnych sankcyj za nievykanańnie rekamiendacyj Mižnarodnaj asacyjacyi pracy, što moža vylicca ŭ błakavańnie luboha ekspartu i faktyčnaha ŭstanaŭleńnia ekanamičnaj błakady ŭ dačynieńni da krainy-parušalnicy pravoŭ pracoŭnych.
Hetaja miera pavinna stać adkazam za represii suprać biełaruskich pracoŭnych i Biełaruskaha kanhresa demakratyčnych prafsajuzaŭ, čyje lidary i aktyvisty byli asudžanyja na pazbaŭleńnie voli za vystupy suprać režymu Łukašenki.
«Suśvietnyja prafsajuzy zaklikajuć delehataŭ budučaj Kanfierencyi pracy padtrymać pryniaćcie 33-ha parahrafa statuta MAP, kab pakłaści kaniec aburalnym parušeńniam pravoŭ čałavieka i prafsajuznych arhanizacyj u Biełarusi. Prafsajuzny ruch — heta nie ekstremizm i nie złačynstva. Svaboda prafsajuznym dziejačam Biełarusi!» — napisali ŭ adkrytaj zajavie Rady suśvietnych prafsajuzaŭ.
Nahadajem, što vosieńniu minułaha hoda MAP abjaviła ab namiery inicyjavać 33-y parahraf svajho statuta suprać Biełarusi. Dla kančatkovaha pryniaćcia rašeńnia ŭ hetym červieni projdzie hałasavańnie, dla stanoŭčaha vyniku jakoha pavinna nabracca dźvie traciny hałasoŭ delehataŭ.
Takoje rašeńnie za ŭsiu historyju prymałasia tolki adzin raz u dačynieńni da Mjanmy ŭ 2001 hodzie, kali tam adbyŭsia dziaržaŭny pieravarot.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali.
«Naša Niva» — bastyjon biełaruščyny
PADTRYMAĆČytajcie jašče:
Polšča moža zabaranić ruch praź miažu hruzavikoŭ ź biełaruskimi i rasijskimi numarami
ZŠA ŭviali abmiežavańni na ekspart 1200 pazicyj u Rasiju i Biełaruś
«Kolki palitviaźniaŭ vyzvaliŭ Mašenski?!» Piatruchin biŭsia suprać usioj Kaardynacyjnaj rady, ale pieramohu tak i nie zdabyŭ16
Kamientary