Zapusk mabilnaj prahramy Adzinaha partała elektronnych pasłuh płanujecca ŭ čaćviortym kvartale hetaha hoda, raskazaŭ BiełTA namieśnik dyrektara pa infarmacyjnych technałohijach Nacyjanalnaha centra elektronnych pasłuh Jahor Voranaŭ.
«Mabilnaja prahrama Adzinaha partała elektronnych pasłuh dazvolić karystalnikam trapić u svaje asabistyja kabiniety, kali vaš telefon maje NFC-sčytvalnik i ŭ vas na rukach jość ID-karta. Dastatkova budzie prosta zapuścić mabilnuju prahramu i, prykłaŭšy ID-kartu da tylnaha boku svajho smartfona, uvieści pin-kod ad svajoj ID-karty — i vy trapicie ŭ svoj asabisty kabiniet», — raskazaŭ Voranaŭ.
Spačatku prahrama vyjdzie dla płatformy Android. «Paśla hetaha my pahladzim, jak nasielnictva reahuje, atrymajem zvarotnuju suviaź i pašyrym potym koła płatformaŭ, što buduć vykarystoŭvacca. Budziem vychodzić na iOS-płatformy», — zajaviŭ čynoŭnik.
Kamientary