Мірны план Трампа не будзе прадстаўлены на наступным тыдні, заявіў яго спецпрадстаўнік па Украіне Кіт Келаг.
Ён сказаў, што толькі сам Трамп можна прадставіць план.
Дэталі гэтага мірнага плана Келаг раней выклаў у сваім артыкуле для America First Policy Institute у красавіку. На першым этапе ўрэгулявання мяркуецца замарозка лініі фронту, спыненне агню і ўвядзенне дэмілітарызаванай зоны. Пасля чаго бакі сядуць за стол перамоваў, а Расія атрымае абмежаванае змякчэнне санкцый. Поўнае зняцце магчыма толькі пасля падпісання мірнага пагаднення, якое задаволіць Украіну.
Украіну не будуць прасіць адмовіцца ад акупаваных тэрыторый, але спатрэбіцца яе згода на тое, што яна будзе дамагацца вяртання страчаных зямель «выключна дыпламатычным шляхам». Пры гэтым Келаг лічыць, што такі дыпламатычны прарыў, верагодна, адбудзецца не раней, чым Уладзімір Пуцін пакіне сваю пасаду.
Акрамя таго, Келаг прапануе Украіне на нявызначаны тэрмін адмовіцца ад уступлення ў НАТА ў абмен на «мірнае пагадненне з гарантыямі бяспекі». ЗША павінны забяспечыць Украіне магчымасць «весці перамовы з пазіцыі сілы» і адначасова данесці да Расіі інфармацыю пра наступствы невыканання ёю будучых умоў мірнай дамовы, гаворыцца ў дакуменце.
У Мінску знік вядомы прарасійскі блогер і госць лукашэнкаўскай прапаганды9
Каментары