Premjer Polščy paabiacaŭ bolš žorstkija sankcyi suprać režymu Łukašenki za zhodu pryniać jadziernuju zbroju
Kiraŭnik polskaha ŭrada Matevuš Maraviecki prakamientavaŭ zajavu rasijskaha prezidenta Uładzimira Pucina ab raźmiaščeńni jadziernaj zbroi ŭ Biełarusi. Jon anansavaŭ, što režym Łukašenki z-za hetaha abaviazkova sutykniecca z bolš surovymi sankcyjami Jeŭrasajuza.
«Hety krok Rasii… abviaščeńnie ab raźmiaščeńni jadziernaj zbroi ŭ Biełarusi, biezumoŭna, pryviadzie da abviaščeńnia dadatkovych sankcyj, uzrovień sankcyj budzie značna bolš žorstkim dla režymu Łukašenki», — skazaŭ Maraviecki na pres-kanfierencyi ŭ Buchareście.
Polski premjer paviedamiŭ, što viadzie štodzionnyja pieramovy ź inšymi lidarami Jeŭrasajuza pra 11-y pakiet sankcyj suprać Maskvy i što jon budzie ŭklučać bolšuju kolkaść zachadaŭ, nakiravanych mienavita suprać ułady Biełarusi.
Sama Polšča razhladaje mahčymaść uviadzieńnia dadatkovych abmiežavańniaŭ na transhraničnyja pieravozki na miažy ź Biełaruśsiu.
«My miažujem ź Biełaruśsiu, i ŭ ramkach našych dvuchbakovych stasunkaŭ razhladajem mahčymaść uzmacnieńnia žorstkaści paramietraŭ pasažyrskich i hruzavych pieravozak, kab dać zrazumieć, što my nie prymajem dziejańniaŭ, jakija słužać Rasii ŭ jaje ahresiŭnych dziejańniach va Ukrainie», — skazaŭ Matevuš Maraviecki.
«Maliciesia». Donald Tramp prakamientavaŭ raźmiaščeńnie jadziernaj zbroi ŭ Biełarusi
Cichanoŭskaja ŭźniała pytańnie jadziernaj zbroi ŭ Biełarusi na sustrečy z Salivanam
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
Łanskaja na Zanzibary, Darafiejeva na Kubie, Siaroha ŭ Šviejcaryi: dzie adpačyvajuć zimoj łukašenkaŭskija śpievaki9
Kamientary