Навука і тэхналогіі33

10 сэптыльёнаў гадоў за 5 хвілін. Створаны наймацнейшы квантавы чып у свеце

Новы квантавы чып ад кампаніі Google пад назвай Willow здолеў здзейсніць амаль немагчымае — за пяць хвілін вырашыць вылічальную задачу, на якую яшчэ ўчора спатрэбіўся б час, эквівалентны 700 трыльёнам узростаў Сусвету. Стварэнне чыпа ўжо называюць сапраўднай рэвалюцыяй.

Рэвалюцыйны квантавы чып Willow. Фота: Google

Новая распрацоўка ад кампаніі Google, квантавы чып пад назвай Willow, стала сапраўдным прарывам у навуцы. Працэсар памерам усяго чатыры квадратныя сантыметры здольны ператвараць фантастыку ў рэальнасць, піша часопіс Nature.

Па словах навукоўцаў і кіраўніцтва Google, новы чып выкарыстоўвае 105 кубітаў (квантавыя біты ўжываюцца ў квантавых кампутарах замест лічбавых нулёў і адзінак) і ўжо прайшоў паспяховыя выпрабаванні.

Пяць хвілін спатрэбілася Willow для вырашэння грандыёзнай вылічальнай задачы, з якой найлепшыя суперкамп'ютары планеты далі б рады толькі за 10 сэптыльёнаў гадоў (лічба з 22 нулямі), ці 10 квадрыльёнаў мільярдаў гадоў, што ў 700 трыльёнаў разоў перавышае цяперашні ўзрост Сусвету (13,8 мільярдаў гадоў).

Ужо праз пяць гадоў, калі з'явіцца больш стабільная і дасканалая інфраструктура для квантавых вылічэнняў, чып Willow зможа запрацаваць паўнавартасна і змяніць само ўспрыманне навукі, адзначае Nature.

Любыя квантавыя чыпы патрабуюць звышнізкіх тэмператур, блізкіх да абсалютнага нулю (—273,15°C). Гэта звязана з неабходнасцю зніжэння цеплавога шуму, які можа знішчыць квантавы стан кубітаў. Для гэтага выкарыстоўваюцца крыастаты — прылады, якія забяспечваюць такія нізкія тэмпературы.

Для працы квантавага чыпа таксама неабходны складаны лабараторны комплекс, які ўключае:

  • Сталае ахаладжэнне.
  • Электронныя кантрольныя сістэмы (лазеры, мікрахвалевыя імпульсы ці магнітныя палі).
  • Экранаванне ад вонкавых перашкод (касмічныя прамяні, а таксама радыеактыўнае і ўльтрафіялетавае выпраменьванне).
  • Высокадакладныя інструменты для вымярэння і кіравання квантавымі працэсамі.
Інфраструктура аднаго з еўрапейскіх квантавых кампутараў. Фота: Adri Salido/Anadolu Agency via Getty Images

Па словах даследчыкаў, чып Willow можа істотна паскорыць распрацоўку тэрмаядзерных рэактараў і крыніц новай чыстай энергіі, а таксама неацэнна паспрыяць развіццю штучнага інтэлекту і стварэнню інавацыйных лекаў. Чакаецца, што дзякуючы гэтай тэхналогіі медыцынскія спецыялісты змогуць счытваць вынікі МРТ-сканавання з дакладнасцю да атама, адкрываючы пры гэтым новыя масівы даных пра чалавечы арганізм і захворванні.

Аднак у Willow, як і ў іншых квантавых тэхналогій, ёсць і цёмны бок: яны змогуць лёгка і хутка ўзламаць самыя дасканалыя і найскладанейшыя сістэмы шыфравання, якія абараняюць сусветны інтэрнэт, міжнародную банкаўскую сістэму і крытычную інфраструктуру ўрадаў краін, у тым ліку звязаную з ядзернай зброяй.

«Эксперты па бяспецы гадамі працуюць над вырашэннем гэтай патэнцыйнай праблемы, распрацоўваючы новыя стандарты постквантавага шыфравання», — адзначае кіраўніцтва кампаніі Google.

Каментары3

  • А
    14.12.2024
    Willow не зьяўляецца самым моцным QPU у сьвеце, і бэнчмарк RCS, які Гугл ужыў для дэманстрацыі магчымасьцяў свайго QPU - не мае аніякага практычнага сэнсу. Практычныя квантавыя алгарытмы як, напрыклад, алгарытмы Шора ці Гровера, гэты Willow выканае на ўзроўні, які вы зможаце выканаць у сабе на ноўце з дапамогай сымуляцыі ў qiskit. Сучасны ноўт лёгка засымулюе каля 25-і ідэальных лагічных кубітаў, і Гуглу да такога ўзроўня яшчэ як да Амэрыкі ракам.
  • Камэнтатар
    14.12.2024
    Бэсараб жа пісаў, што гэта чухня, навошта вядзецеся?
  • Галя
    14.12.2024
    Камэнтатар, хто такі Бэсараб?

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Усе навіны →
Усе навіны

Аляксандр Лукашук: Аднойчы мяне прадставілі ў эфіры: «На сувязі з намі Аляксандр Лукашэнка». Мая мама плакала10

Паўлу Вабішчэвічу, якога абвінавацілі нібыта ў спробе падрыву пасажырскага цягніка, далі 23 гады калоніі3

EPAM і Wargaming заплацілі самыя вялікія падаткі сярод усіх літоўскіх IT-кампаній10

Спецпрадстаўнік ЗША: Санкцыі супраць Расіі працуюць «на 3 балы з 10», іх можна ўзмацніць14

Беларускую добраахвотніцу Марыю Зайцаву пахавалі на могілках у Кіеве ФОТА3

Ва Уруччы пабудуюць чатыры шматпавярховікі4

Мілы сабака на запраўцы, што радуецца любому чалавеку, скарае сацсеткі18

ЗВР Беларусі дасягнулі 9 мільярдаў даляраў7

Як тэлешоу дапамаглі знізіць колькасць разводаў у Паўднёвай Карэі3

больш чытаных навін
больш лайканых навін

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9

У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне

Галоўнае
Усе навіны →

Заўвага:

 

 

 

 

Закрыць Паведаміць