Трамп увёў тарыфы для Кітая і хоча абкласці імі Еўрасаюз. Ці закране Беларусь?
Адміністрацыя Дональда Трампа ўжо ўвяла дадатковыя мытныя пошліны на тавары з Кітая. Апроч гэтага, гучалі планы ўвесці пошліны для Еўрасаюза. «Наша Ніва» пацікавілася ў эксперта, як падобныя дзеянні могуць закрануць беларускую эканоміку.
Эксперт BEROC Анастасія Лузгіна адзначае, што нават калі Трамп увядзе мыты на пастаўкі тавараў з Еўрасаюза ў ЗША, то іх негатыўны эфект для эканомікі Еўрасаюза наўрад ці істотна адаб'ецца на Беларусі.
«Для нашай эканомікі Еўрасаюз перастаў быць адным з найважнейшых эканамічных партнёраў, як гэта было раней. Таму змены ў эканоміцы ЕС не змогуць заўважна адбіцца на эканоміцы беларускай, як калі гэта было б 5-6 гадоў таму, калі ЕС займаў значную долю ў структуры знешняга гандлю Беларусі», — тлумачыць эканаміст.
Аднак гэта не азначае, што абмежаванні, якія ўводзіць Трамп, ніяк не адаб'юцца на Беларусі.
«Пасля Расіі другім па важнасці партнёрам для Беларусі стаў Кітай, на экспарт з якога ЗША ўвялі пошліны. Таму большы ўплыў на Беларусь можа аказаць чарговае павышэнне тарыфаў для Кітая.
Гэта можа прывесці да таго, што Кітай будзе шукаць новыя рынкі збыту сваіх тавараў».
Усё гэта можа падштурхнуць Кітай павялічыць экспарт у Беларусь і перш за ўсё ў Расію.
«Павелічэнне кітайскага імпарту ў Расію будзе ствараць яшчэ большую канкурэнцыю для беларускіх тавараў, тым самым выцясняючы іх з рынку. А з улікам таго, што ў Расіі таксама запавольваюцца тэмпы эканамічнага росту, то такая сітуацыя будзе ствараць дадатковыя выклікі беларускім экспарцёрам на расійскім рынку».
Па выніках 2024 года Кітай паказаў 5% прыросту ВУП, што ўкладвалася ў іх прагнозныя значэнні. Але ўжо ў 2025 годзе, як праз унутраныя праблемы, так і праз санкцыі, існуюць рызыкі таго, што рост можа запаволіцца да 4,5%.
«Зніжэнне тэмпаў росту кітайскай эканомікі прывядзе да зніжэння попыту ўнутры краіны, што можа негатыўна адбіцца на пастаўках беларускіх тавараў у Кітай. Таму нам варта ўлічваць і гэты фактар», — тлумачыць Лузгіна.
Таксама эксперт адзначае, што загараджальныя пошліны з боку ЗША могуць прывесці да скарачэння вытворчасці ў Кітаі, што ў сваю чаргу прывядзе да росту беспрацоўя ў Кітаі і, адпаведна, да запаволення росту ўнутранага попыту.
«Не абавязкова, што ўсе негатыўныя сцэнары рэалізуюцца, але гэта сур'ёзны выклік 2025 года. У Расіі ўжо адбываецца запаволенне росту эканомікі, а ў дадатак можа дадацца запаволенне росту эканомікі Кітая. А гэта два асноўныя гандлёвыя партнёры Беларусі.
Нават нашы чыноўнікі кажуць аб тым, што ў плане сітуацыі на знешніх рынках гэты год для Беларусі будзе няпростым».
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне4
Каментары
Калі цябе на вуліцы ад.т каго паклічышь ? А за такі язык цябе ..пі бьют))
Мянтоў .Калі мянты? Адваката праваабаронцаў смі ??
Таму забарона " анархістам лібіртарыанцам .." паслугі ні надают павінна быць ..
Аўтаномны як . .у палонке .