Канал Сарандзі, які працякае ў адным з прыгарадаў Буэнас-Айрэса, нечакана набыў ярка-чырвоны колер, што выклікала трывогу сярод мясцовых жыхароў, піша Бі-бі-сі.
Канал упадае ў раку Рыа-дэ-ла-Плата, якая знаходзіцца побач з запаведнікам.
Мясцовыя жыхары мяркуюць, што кампаніі, размешчаныя ў прыгарадзе сталіцы Аргенціны, скідаюць у канал адкіды. Адна з жанчын расказала журналістам, што раней ужо бачыла ў канале ваду рознага колеру, у тым ліку блакітнага.
Мясцовыя СМІ мяркуюць, што падобнае афарбаванне магло адбыцца праз скід хімічных адходаў або тэкстыльных фарбавальнікаў.
Гэтая версія ўжо пацверджана мясцовымі ўладамі. У пробах вады, якія былі ўзятыя на аналіз, выявілі анілін — рэчыва, што выкарыстоўваецца ў вытворчасці фарбавальнікаў, лекаў і палімераў.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне2
Каментары