Марыя Васілевіч нарэшце знайшла працу. З яе спрабуюць зрабіць замену Маляванычу
Былая дэпутатка Марыя Васілевіч вярнулася на тэлебачанне.
У акаўнце Белтэлерадыёкампаніі ў інстаграме з’явілася паведамленне пра тое, што ў «Калыханкі» цяпер новая вядучая — Марыя Васілевіч. Так што цяпер дапамагаць бацькам укладваць дзяцей спаць будзе пераможца конкурсу «Міс Беларусь 2018».
Дарэчы, гэта не першы яе досвед працы на тэлебачанні. Нагадаем, што Васілевіч да працы ў парламенце была вядучай праграмы «Добрай раніцы, Беларусь!».
Яшчэ гэтай вясной Марыя распавядала, што не ведае, дзе ж будзе працаваць пасля таго, як вызваліла дэпутацкае крэсла: «Я пакуль не магу сказаць, дзе выкарыстаю свае веды і вопыт, таму што пакуль вызначаюся. Але, безумоўна, хочацца знайсці тую сферу, дзе я змагу ўнесці вялікі ўклад, каб яшчэ паляпшаць тыя сферы, якімі я раней займалася».
Разам з гэтым Васілевіч тады адзначала, што ў яе ёсць прапановы з тэлебачання, якія яна «вельмі актыўна разглядае, таму што гэтая творчая кухня пакідае самыя прыемныя ўражанні. Тут ёсць свая лёгкасць і рызыка».
Атрымліваецца, што ў выніку прыгажуня вырашыла паспрабаваць стаць новым Маляванычам.
Неабходна адзначыць, што героі «Калыханкі» бяруць удзел і ў прапагандысцкіх мерапрыемствах. Напрыклад, акцёр Уладзімір Варанкоў, які лялькаводзіць медзведзянём Топай, разам з сёстрамі Груздзевымі ездзіць на так званыя дыялогавыя пляцоўкі «Разам з мастацтвам». Падчас такіх сустрэч артысты расказваюць простым людзям у невялікіх гарадах пра тое, як добра жыць у Беларусі.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары