Беларускім вытворцам дадуць ільготы на арэнду плошчаў у гандлёвых цэнтрах
Адпаведнае пагадненне для сталіцы падпісалі 10 кастрычніка Мінгарвыканкам, Міністэрства антыманапольнага рэгулявання і гандлю і буйныя арэндадаўцы.
Пагадненне падпісалі такія кампаніі, як «Гранд Атрыум» «ЕўраСтэпГруп», «Галерэя Канцэпт», «А-Сіці», «Гандлёвы дом «Ждановічы», «Еўрагандаль», «БелМартПлаза», паведамляюць «Мінск-Навіны».
Дакумент прадугледжвае льготу па арэнднай плаце для айчынных вытворцаў, арэндныя канікулы да трох месяцаў і іншыя нормы. Уладальнік гандлёвага цэнтра і вытворца выбіраюць або ўсе гэтыя льготы, або нешта адно. Могуць быць і іншыя прэферэнцыі, але гэта вызначаецца ў ходзе дамоўнай працы і не абавязкова актывуецца ў пагадненні.
Беларускім вытворцам пры арэндзе будуць даваць зніжку не меншую за 15%.
Першы намеснік старшыні Мінгарвыканкама падкрэсліла, што некаторыя прадпрыемствы гандлю ўжо максімальна насычаны беларускімі таварамі, але гэта ў першую чаргу заслуга тых вытворцаў, якія самі актыўна прасоўваюць прадукцыю.
«Хацелася б, каб як мінімум 50% гандлёвых плошчаў займалі айчынныя вытворцы, бо іх прадукцыя гэтага вартая», — адзначыла першая намесніца старшыні Мінгарвыканкама Надзея Лазарэвіч.
У які дзень у 2020-м маглі здарыцца перамены? Польскі дыпламат выдаў кнігу аб працы ў Беларусі і даў адказ на гэта пытанне9
Каментары