Hramadstva2828

Azaronak napisaŭ list Stalinu: «Pakłaniusia tabie. Vyšej za ciabie tolki Boh»

U svaim liście prapahandyst nie tolki ŭschvalaje dyktatara, ale i pravodzić paraleli z sučasnaj Biełaruśsiu.

Bust of Stalin near the Kremlin wall Biust Stalina kala Kramloŭskaj ściany Biust Stalina około Kriemlovskoj stieny
Fota: AP Photo/Alexander Zemlianichenko

List da Stalina Azaronak nadrukavaŭ u «Minskaj praŭdzie». U im jon źviartajecca da svajho kumira na «ty», bo ličyć, što taki zvarot — znak «vialikaj pavahi i amal žadańnia paznać Ciabie i tvaju epochu», jakaja, jak śćviardžaje prapahandyst, «pieraśleduje jaho ŭsio žyćcio».

Pa słovach Azaronka, Stalin dla jaho — Car, Impieratar, Uładar pałovy śvietu, jaki ŭsprymaŭ siabie jak praroka, całkam admoviŭsia ad siabie, dobra znaŭ čałaviečuju pryrodu, usiamu znaŭ canu i viedaŭ, što ŭsie tyja, chto vakoł, zdradziać i aplujuć.

Prapahandyst abaraniaje svajho kumira ad abvinavačvańniaŭ u žorstkaści i tyranii. Pa jaho słovach, Stalin zdoleŭ padniacca na samuju viaršyniu na chvali strašennaj smuty, pierajhraŭšy svaich enierhičnych i šalonych saratnikaŭ dziakujučy svajoj niezaŭvažnaści i spakoju.

Azaronak paraŭnoŭvaje časy Stalina ź situacyjaj u siońniašniaj Biełarusi. Na hetym jon buduje svajo śćviardžeńnie ŭ pravacie dyktatara:

«U nas raźvialisia i dyviersanty, i špijony, i škodniki, i sabatažniki, i intelihiencyja paviała siabie tak, jak ty havaryŭ. I ŭsio heta nizkapakłonstva bačym. Ty va ŭsim mieŭ racyju».

Usio, što ni rabiŭ Stalin, dla Azaronka napoŭniena vialikaj mudraściu i dalnabačnaściu. Jaho kumir «adhadaŭ usie daty», zharnuŭ NEP i «pavioŭ narod pa pustyni kalektyvizacyi», «ustupiŭ u schvatku z usim kantynientam» i vyjhraŭ vajnu. Nie zabyŭsia prapahandyst i pra atamnuju bombu, dziakujučy jakoj «my i ciapier žyvyja».

Azaronak zachaplajecca Stalinym, jaki «staŭ uładykam pałovy śvietu — ad Bierlina da Piekina», jakaja potym abrynułasia.

I siońnia Ukraina, jakuju, pa słovach prapahandysta, Stalin «jak niemaŭla pieściŭ na svajoj chvoraj ruce, stała pačvaraj». A voś u Biełarusi — «jość tvaja Linija» i biust.

«Ja pakłaniusia tabie, Pravadyr. Ja abviarhaju ŭsie paklopy na ciabie. Vyšej za ciabie tolki Pan Boh… Sudzić ciabie tolki Panu. Mahčyma, ty praciahvaješ ź im sprečku. Ale dakładna — u rai», — zajaŭlaje Azaronak u kancy svajho lista.

Čytajcie jašče:

U Azaronka i Łazutkina spytali, ci stanie Biełaruś častkaj Rasii. Adkaz i łohika niečakanyja

Biahun raskrytykavaŭ Azaronka: Ašaleły papulizm, pamnožany na stereatypnuju prapahandu

Azaronak znajšoŭ svoj styl — hetaje adzieńnie dobra adlustroŭvaje sutnaść prapahandy

Kamientary28

  • Lolik z-pad Limasoła
    22.12.2023
    haha, a nastupnaje piśmo budzie: "tovariŝ stalin proizošła čudoviŝnaja ošibka"
  • Rusłan
    22.12.2023
    Ja v šokie ... Psichopaty mohut rabotať na hosTV? 
  • Jakija časy - takija i kumiry...
    22.12.2023
    Hryšku Atrepjeva treba Katyń zvazić, potym Kurapaty, i tod́ki ŭ kancy na ćvintar jaho dzieda i spytać. Vom skažy Hryša, toki česna - ty ad ivo časta čuŭ kałychanku pra Sralina?

U Minsku źnik viadomy prarasijski błohier i hość łukašenkaŭskaj prapahandy6

U Minsku źnik viadomy prarasijski błohier i hość łukašenkaŭskaj prapahandy

Usie naviny →
Usie naviny

Łukašenka atrymaŭ vinšavańnie z «pieramohaj» na vybarach ad prezidenta Hruzii4

Kitaj pačaŭ prapanoŭvać krainam svajo finansavańnie zamiest USAID22

Zialenski zajaviŭ, što prapanuje Rasii zaniatuju USU častku Kurščyny na abmien5

Pryznali «ekstremisckaj» vyjavu «Miortvaja hałava»6

«Za mnoj Maskva!» Jak «aliharch miascovaha raźlivu» pahražaŭ zahadčycy kafiedry BDU8

U Siryi kałonu rasijskich vajskoŭcaŭ nie puścili na bazu ŭ Tartusie4

Aplikacyja «Novaja Biełaruś» źmianiła nazvu. Ciapier heta płatforma Svae6

Pry pieravodach hrošaj u kałonii na pošcie stali patrabavać pašpart

Biełaruska aformiła na siabie kredyt dla siabroŭki, a taja admoviłasia davać hrošy. Što adkazali ŭ sudzie?1

bolš čytanych navin
bolš łajkanych navin

U Minsku źnik viadomy prarasijski błohier i hość łukašenkaŭskaj prapahandy6

U Minsku źnik viadomy prarasijski błohier i hość łukašenkaŭskaj prapahandy

Hałoŭnaje
Usie naviny →

Zaŭvaha:

 

 

 

 

Zakryć Paviedamić