Adkładvańnie budzilnika ranicaj nie škodzić snu i moža palepšyć stan arhanizma — daśledavańnie
Pavodle navukoŭcaŭ z ZŠA i Šviecyi, ranišniaja drymota i nieŭstavańnie z łožka ź pieršym ža hukam budzilnika absalutna biasškodnyja dla zdaroŭja čałavieka.
Daśledavańnie, apublikavanaje ŭ navukovym časopisie Journal of Sleep Research, raskryvaje novyja asablivaści ranišniaha snu ŭ ludziej, jakija nie lubiać ustavać ź pieršym hukam budzilnika.
Padrabiaznaści pierakazvaje ahienctva NBC News.
Zhodna z analizam amierykanskich i šviedskich navukoŭcaŭ, u jakim udzielničała 1732 darosłyja čałavieki ź siarednim uzrostam kala 27 hadoŭ, pieranos budzilnika ranicaj nijak nie adbivajecca na jakaści snu, a sama drymota pamiž budzilnikami moža navat palapšać kahnityŭnyja zdolnaści čałavieka.
«69% z 1732 udzielnikaŭ daśledavańnia pryznalisia, što adkładajuć čas na svaich budzilnikach ranicaj minimum adzin raz, a 60%, u svaju čarhu, adznačyli, što čaściej za ŭsio ŭ hety čas zasynajuć.
A paśla bolš padrabiaznaha analizu snu ŭ 31 čałavieka vyśvietliłasia, što i ŭ tych, chto pieranosiŭ budzilniki, i ŭ tych, chto nie pieranosiŭ, cełasnaść snu była adnolkavaj. Pry hetym tyja, chto pieranosiŭ budzilnik i praciahvaŭ dramać, na praciahu 40 chvilin paśla ŭstavańnia z łožka mieli bolš chutkuju reakcyju i lepšyja matematyčnyja zdolnaści», — raspaviali aŭtary novaha daśledavańnia.
Navukoŭcy adznačyli, što paetapny vychad z načnoha snu i adkładvańnie budzilnika chacia b raz na paŭhadziny zdolnyja pryvieści da bolš miakkaha abudžeńnia i bolšaj badzioraści.
Ale taksama jany dadali, što daśledavańnie pravodziłasia tolki na tych, chto nie maje prablem sa snom i ŭmieje dramać. U astatnich ža vypadkach patrebny dalejšyja nazirańni.
U Minsku źnik viadomy prarasijski błohier i hość łukašenkaŭskaj prapahandy6
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»
Kamientary