Pra toje, što na Biełaruś idzie pyłavaja bura z Afryki, napisali ŭ twitter-akaŭncie nadvorie.
Sohłasno prohnozu, v bližajšije dień-dva, k nam budiet vynosiťsia pyl iz Afriki. Jeśli prismotrieťsia, to užie siejčas vidien bielesyj ćviet nieba, a vblizi horizonta vsie podiernuto dymkoj (na samom diele eto pyl).
Zakaty dołžny načaťsia krovavyje :) pic.twitter.com/58a6DEcxsB
«Kali pryhledziecca, to ŭžo ciapier bačny biełavaty koler nieba, a na haryzoncie ŭsie zakryta smuhoj (nasamreč, heta pył). Zachady pavinny pačacca kryvavyja», — havorycca tam.
Sapraŭdy, apošnija dva dni sonca siadaje nadzvyčaj čyrvonaje.
Tym časam pył z Sachary pranikaje va Uschodniuju Jeŭropu. U Polščy ŭžo publikujuć fatahrafii słupoŭ pyłu.
Mahčyma, dabrałasia piasčanaja bura i da Zachodniaj Biełarusi.
Žychary mikrarajona Alšanka ŭ Hrodnie zaznačajuć, što ŭ horadzie padniałasia piasčanaja bura, paviedamlaje newsgrodno.by
Praŭda, u kamientarach da fotak i videa pišuć, što heta moža być pył, uźniaty na palach traktarami.
Čytajcie taksama: Piasčanaja bura napałochała žycharoŭ Biarozy i pavaliła ščyt, paškodžany dźvie mašyny VIDEA
U Biełhidramiecie raspaviali Tut.by, što ŭ šmat jakich haradach sapraŭdy nazirajecca pavyšany ŭzrovień zabrudžvańnia pavietra pyłam.
— Ale ŭ najbližejšy čas istotnaha pavieličeńnia kolkaści pyłu nie prahnazujecca, — rastłumačyli śpiecyjalisty.
Sinoptyki patłumačyli, što ciapier u Biełarusi pieravažaje viecier paŭdniova-ŭschodniaha napramku. Heta značyć, što pavietranyja masy pastupajuć z uschodu Ukrainy, a nie z boku Polščy. Ale nie vyklučana, što pył z Afryki moža ŭpłyvać na stan pavietra i ŭ nas — z-za transhraničnaha pieranosu pyłu na dalokija adlehłaści jość imaviernaść, što jaje kolkaść pavialičycca i ŭ pavietry Biełarusi.
Adnak asnoŭnaja pryčyna zabrudžvańnia pavietra ŭ nas u krainie inšaja.
— U šmat jakich haradach Biełarusi, dzie pravodziacca nazirańni za stanam atmaśfiernaha pavietra, sapraŭdy nazirajecca pavyšany ŭzrovień zabrudžvańnia pavietra pyłam. Asnoŭnaja pryčyna: u krainie na praciahu doŭhaha pieryjadu času adsutničajuć apadki, - paviedamili ŭ Biełhidramiecie.
Śpiecyjalisty adznačajuć, što mienavita z-za taho, što niama daždžu, pavietra ŭ Biełarusi zaraz zabrudžana ćviordymi čaścicami. Jość adzinkavyja vypadki pieravyšeńniaŭ narmatyvaŭ jakaści pa hazapadobnych rečyvaŭ.
Apošniaje miesca pracy danosčycy Bondaravaj — kruhłasutačnaja saŭna. Ale pasada nieviadomaja10
Kamientary