Stała viadoma, čym budzie zajmacca Kosiniec na pasadzie pamočnika Łukašenki
Alaksandr Kosiniec, jaki pryznačany pamočnikam prezidenta Biełarusi, budzie kuryravać na hetaj pasadzie realizacyju stratehičnych prajektaŭ. Heta vynikaje z ukaza №194 ad 30 maja 2017 hoda, jaki aficyjna apublikavany na Nacyjanalnym pravavym internet-partale, paviedamlaje BiełTA.
Dakumientam unosiacca źmianieńni va ŭkaz ad 13 lutaha 2017 hoda №40 «Ab aptymizacyi Administracyi Prezidenta Respubliki Biełaruś». Tady była zaćvierdžana struktura dadzienaha dziaržaŭnaha orhana, jakaja ŭklučała ŭ siabie pasadu pamočnika prezidenta pa pytańniach zakanadaŭčaj i sudovaj dziejnaści.
Zhodna z novaj redakcyjaj, nazva pasady źmieniena na «Pamočnik prezidenta Respubliki Biełaruś». Adkarektavany i adpaviedny punkt pałažeńnia ab pamočniku prezidenta.
Vyznačana, što siarod asnoŭnych jaho funkcyj — kantrol za realizacyjaj stratehičnych prajektaŭ u adpaviednaści z daručeńniami kiraŭnika dziaržavy, manitorynh situacyi i infarmavańnie va ŭstanoŭlenym paradku prezidenta Biełarusi ab chodzie vykanańnia Nacyjanalnaj akademijaj navuk dziaržaŭnych prahram navukovych daśledavańniaŭ i inavacyjnaha raźvićcia, a taksama ab vynikach kamiercyjalizacyi navukovych raspracovak.
Pamočnik taksama ŭpaŭnavažany ŭnosić kiraŭniku dziaržavy va ŭstanoŭlenym paradku praz Administracyju Prezidenta prapanovy, nakiravanyja na efiektyŭnuju realizacyju stratehičnych prajektaŭ. Jon ža budzie ŭzajemadziejničać pa adpaviednych pytańniach z Savietam Ministraŭ, NAN Biełarusi, respublikanskimi orhanami dziaržaŭnaha kiravańnia, miascovymi vykanaŭčymi i rasparadčymi orhanami.
Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34
Kamientary