Litva, Łatvija i Estonija sinchranizavali svaje elektrasietki z Zachodniaj Jeŭropaj u niadzielu dniom.
«Sinchranizacyja enierhasistemy krain Bałtyi ź sietkami kantynientalnaj Jeŭropy paśpiachova zavieršana», — paviedamiŭ prezident Litvy Hitanas Naŭsieda, piša LRT.
Jon nazvaŭ sinchranizacyju histaryčnym momantam, jaki aznamienavaŭ kaniec doŭhaha šlachu Litvy, Łatvii i Estonii da enierhietyčnaj niezaležnaści.
«Časy palityčnaha cisku i šantažu narešcie skončylisia», — skazaŭ Naŭsieda.
Try krainy Bałtyi ŭ subotu ranicaj bieź pieraškod adklučylisia ad rasijskaj enierhasistemy, jakaja była zapuščanaja jašče za savieckim časam, i da apoŭdnia pracavali ŭ izalavanym režymie.
Dziejničajučy sinchronna z Zachodniaj Jeŭropaj, Litva, Łatvija i Estonija samastojna i ŭ kaardynacyi ź inšymi krainami hetaj zony buduć kiravać častatoj svaich elektryčnych sistem (raniej heta centralizavana rehulavałasia ŭ Maskvie).
Akramia litoŭska-polskaha suchaputnaha elektryčnaha złučeńnia LitPol Link, praź jakoje adbyłasia sinchranizacyja, krainy Bałtyi taksama źviazanyja z Paŭnočnaj Jeŭropaj — litoŭska-šviedskim marskim złučeńniem NordBalt i estonska-finskim marskim złučeńniem EstLink 1 i EstLink2.
Da 2030 hoda płanujecca pabudavać jašče adno suchaputnaje złučeńnie pamiž Litvoj i Polščaj — Harmony Link dla handlu.
EstLink2 pakul nie pracuje — na Kalady jaho razam z dvuma inšymi kabielami suviazi nibyta pierarezaŭ tankier, jaki, jak miarkujecca, naležyć maskoŭskamu «cieniavomu fłotu».
Usiaho ŭ Bałtyjskim mory pa stanie na kastryčnik 2023 hoda było paškodžana nie mienš za 11 padvodnych kabielaŭ, piša LRT.
Choć apieratary adznačajuć, što paškodžańnie padvodnych kabielaŭ davoli raspaŭsiudžanaja źjava, častata i kancentracyja incydentaŭ u Bałtyjskim mory ŭzmacnili padazreńni, što paškodžańnie mahło być naŭmysnym.
Paśla ŭkaranieńnia pracesu sinchranizacyi krainy Bałtyi dałučylisia da sietki kantynientalnaj Jeŭropy, jakaja absłuhoŭvaje bolš za 400 miljonaŭ karystalnikaŭ u 26 krainach.
Usiaho ŭ prajekt sinchranizacyi ŭ krainach Bałtyi i Polščy inviestavana bolš za 1,6 młrd jeŭra.
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi35
Kamientary
A voś dla troch bałtyjskich krainaŭ heta padzieja: ciapier narešcie jany mohuć śmieła pakazać Kramlu chvihu, jakuju dahetul vymušanyja byli trymać ŭ kišeni.
Da i vtoroj na podchodie, na vtoruju AES, vied́ sašie dieńhi nužny včiera, vy i jeho zakrojetie ?