Piedahohami nie zmohuć pracavać tyja, kaho asudzili pa kryminalnaj spravie za «ekstremizm»
Ministr adukacyi Andrej Ivaniec raskazaŭ pra źmieny, jakija źbirajucca ŭnieści ŭ zakony pa pytańniach pravoŭ dziaciej.
Zakon zabaronić pracavać piedahohami tym, kaho sudzili za raspaŭsiud narkatyčnych srodkaŭ i psichatropnych rečyvaŭ, a taksama tym, kaho pryciahvali da kryminalnaj adkaznaści za «ekstremisckuju dziejnaść».
Pra heta piša BiełTA.
Taksama bolš uvahi buduć nadavać niedapuščeńniu złačynstvaŭ suprać pałavoj niedatykalnaści.
«Navacyi zakonaprajekta ŭtrymlivajuć miery, jakija nakiravany na niedapuščeńnie supraćpraŭnych, złačynnych dziejańniaŭ u dačynieńni da niepaŭnaletnich, u pieršuju čarhu źviazanych z pałavoj niedatykalnaściu. Heta vielmi važny aśpiekt, i ŭ suviazi z hetym unosicca karekciroŭka adpaviednaha artykuła, jaki praduhledžvaje piśmovaje papiaredžańnie piedahahičnych i inšych rabotnikaŭ, jakija buduć niepasredna pracavać ź dziećmi, ab normach zakanadaŭstva ab pałavoj niedatykalnaści, pravavych nastupstvach i pakarańni za hetyja złačynstvy, a taksama tłumačeńnie hetych normaŭ inšym rabotnikam, jakija taksama majuć kantakt ź dziećmi», — raskazaŭ Andrej Ivaniec.
Buduć pravodzić psichałahičnaje sumoŭje z asobami, jakich buduć dapuskać da pracy ź dziećmi. Paradak hetaj pracedury vyznačyć pastanova Savieta Ministraŭ. «U ciapierašni čas stvorana mižviedamasnaja rabočaja hrupa, jakaja praduhledžvaje ŭdzieł jak miedycynskich rabotnikaŭ, tak i piedahohaŭ-psichołahaŭ dla taho, kab pravodzić hetuju praceduru», — dapoŭniŭ ministr.
Deputaty pryniali prajekt zakona z hetymi źmienami ŭ pieršym čytańni.
-
Kavieryn pra Trampa: Ja dumaŭ, jon realny pacan, a jon akazaŭsia ryžym bajaźlivym kłoŭnam
-
Kiraŭnik «Biełmiedtechniki», u haražy jakoha KDB znajšoŭ 620 tysiač dołaraŭ chabaru, vyzvaliŭsia z kałonii i znajšoŭ novuju pracu
-
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje10
Kamientary
Pavyłaziać tolki staryja piensijanerki!!!