Tankier sa 130 000 ton mazutu tonie ŭ porcie ŭ Leninhradskaj vobłaści. Sa słoŭ krynic «Bazy», u mašynnym adździaleńni tankiera adbyłosia niekalki vybuchaŭ, paśla čaho sudna pačało napaŭniacca vadoj.
U noč na 9 lutaha tankier «Koala» (jon chodzić pad ściaham Antyhua i Barbudy) znachodziŭsia la treciaha pryčała ŭ marskim porcie Uść-Łuh. Na borcie tankiera byŭ ekipaž z 24 čałaviek.
Bližej da dźviuch hadzin nočy na borcie tankiera było pahružana kala 130 000 ton mazutu. Sudna ŭžo rychtavałasia da adpłyćcia, kali ŭ mašynnym adździaleńni prahrymieli vybuchi. Ekipažu ŭdałosia vybracca na bierah, adnak mašynnaje adździaleńnie sudna pačało tapić vadoj.
Bližej da 5 ranicy stała zrazumieła, što sudna karmoj sieła na miel. Pavodle papiarednich źviestak, uciečki naftapraduktaŭ u vadu nie adbyłosia. U vyniku zdareńnia nichto nie paciarpieŭ.
Pavodle hubiernatara vobłaści, ranicaj na tankiery adbyŭsia «technahienny incydent padčas zapusku ruchavika, u vyniku jakoha paškodžana mašynnaje adździaleńnie». Pahroza raźlivu naftapraduktaŭ adsutničaje, ekipaž evakuiravany, paciarpiełych niama, śćviardžaje hubiernatar Alaksandr Draździenka.
Taksama siońnia było paviedamleńnie, što kala bierahoŭ Sachalina sieła na miel hruzavoje sudna z mazutam, u rehijonie ŭviedzieny režym pavyšanaj hatoŭnaści.
Šarenda-Panasiuk: Patrebnaja žorstkaja ekanamičnaja błakada režymu Łukašenki. Tolki cisk i sankcyi38
Kamientary