Brytanskaja ambasada ŭ Rasii vykazała zaniepakojenaść u suviazi z apošnimi zajavami čačenskaha lidara Ramzana Kadyrava ŭ adras rasiejskaj apazicyi.
«My zaniepakojenyja pahrozami ŭ adras @MKasyanov i inšych pradstaŭnikoŭ apazicyi. Rasijskija ŭłady pavinny asudzić padobnyja ŭčynki», — havorycca ŭ zajavie ŭ tvitary» ambasady.
U paniadziełak Kadyraŭ u svaim instahramie apublikavaŭ videarolik z apazicyjanieram Michaiłam Kaśjanavym, na jaki nakładzieny filtr u vyhladzie pryceła snajpierskaj vintoŭki.
«Kaśjanaŭ pryjechaŭ u Strasburh za hrašyma dla rasijskaj apazicyi. Chto nie zrazumieŭ, toj zrazumieje», — havaryłasia ŭ podpisy da videa.
Paźniej rolik źnik. Jak vyśvietliłasia, jon byŭ vydaleny administracyjaj Instahrama z-za taho, što parušaŭ praviła sacsietki, jakaja zabaraniaje publikavać u joj zakliki da hvałtu.
Kadyraŭ, paśla taho jak byŭ vydaleny rolik, abvinavaciŭ Instahram u parušeńni svabody słova.
U Minsku źnik viadomy prarasijski błohier i hość łukašenkaŭskaj prapahandy9
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»22
Kamientary