Na ŭschodzie Minska pabudujuć novy vialiki rajon na 100 tysiač čałaviek
U Partyzanskim rajonie Minska, na samym uschodzie stalicy, zapłanavana budaŭnictva novaha mikrarajona. U inviestycyjnaj prahramie Minska znajšlisia danyja z płanavanym abjomam inviestycyj na budaŭnictva, piša Blizko.by.
Novy žyły rajon Minska Zialony Bor pavinien raźmiaścicca adrazu za terytoryjaj žyłoj zabudovy Kałodziščy-2, na samym-samym uschodzie Minska.
U prajekcie vyznačanyja 2 etapy asvajeńnia: 1-y etap — da 2030-ha hoda, 2-i etap (pierśpiektyva) — paśla 2030-ha, paviedamlajuć Kolodischi Info.
Na pieršym etapie płanujecca budaŭnictva šmatkvaternaj žyłoj zabudovy na 952 tysiačy kvadratnych mietraŭ. Nasielnictva składzie 36,5 tysiač čałaviek. Pry realizacyi druhoha etapu nasielnictva moža pavialičycca da zapłanavanych 105 tysiač čałaviek (104 tysiačy — u šmatkvaternych damach, 1 tysiača — u siadzibnym fondzie).
Miarkujučy pa ličbach, u hetym hodzie budaŭnictva mikrarajona jašče nie pačniecca.
Srodki zapłanavanyja na 5 asobnych abjektaŭ, źviazanych z budučym žyłym rajonam, uklučajučy padjaznuju darohu, inžyniernyja sietki i inšaje. Ale na 2025 hod sumy pa kožnym z abjektaŭ praduhledžany niaznačnyja i, chutčej za ŭsio, uklučajuć tolki prajektnyja raboty.
A voś na 2026 i 2027 hady praduhledžanyja sumy bolš značnyja: havorka idzie pra dziasiatki miljonaŭ rubloŭ. Tamu aktyŭnaje budaŭnictva žyłoha rajona pačniecca nie raniej za 2026 hod.
U Minsku źnik viadomy prarasijski błohier i hość łukašenkaŭskaj prapahandy9
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»22
Kamientary