Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam
Sens tumannaha raźvitalnaha piśma znakamitaha biełaruskaha aŭdytara Paŭła Łaščanki robicca jasnym z ulikam novaj infarmacyi — šmathadovy kiraŭnik znajšoŭsia ŭ SIZA pa palityčnym artykule.
EY (Ernst&Young) — aŭdytarskaja kampanija z «vialikaj čaćviorki». Pracuje ŭ śfiery aŭdytu, padatkaabkładańnia, akazvaje jurydyčnyja pasłuhi dla biznesu. Biez acenki EY u Biełarusi nie mahła prajści nivodnaja surjoznaja ŭhoda pa pakupcy abo źlićci biznesu. EY byŭ adnym z asnoŭnych łakamatyvaŭ i tłumačalnikaŭ u spravie prasoŭvańnia pieradavych finansavych standartaŭ i spravazdačnaści. Šmathadovym kiraŭničym partnioram EY u Biełarusi byŭ Pavieł Łaščanka. Paśla 2022 hoda kampanija stała nazyvacca B1.
«Naša Niva» paviedamlała pra ćmiany list, jaki na minułym tydni ad B1 atrymali supracoŭniki i partniory kampanii.
«Pavieł Łaščanka ŭ siłu asabistych abstavin bolš nie moža praciahvać rabotu na hetaj pasadzie, — havaryłasia ŭ liście. — Uniosak Paŭła ŭ raźvićcio našaj kampanii nieacenny: jon stajaŭ la samych vytokaŭ i sfarmavaŭ cudoŭnuju kamandu prafiesijanałaŭ, jakija dasiahnuli niejmaviernych pośpiechaŭ».
Ni ŭ liście, ni ŭ raździele «naviny» na sajcie arhanizacyi nie pryvodziłasia taksama nijakaj ułasnaj cytaty ci zvarotu Łaščanki z nahody zakančeńnia raboty ŭ kampanii, jakoj jon addaŭ niekalki dziasiatkaŭ hadoŭ žyćcia.
Ciapier «Našaj Nivie» stała jasna, u čym pryčyna.
Akazvajecca, užo dva miesiacy Pavieł Łaščanka znachodzicca ŭ SIZA pa abvinavačvańni ŭ adnym z palityčnych artykułaŭ.
Pa słovach našych surazmoŭcaŭ, Łaščanku ŭspomnili 2020 hod.
U 2020 hodzie, u razhar źbićcia hramadzian milicyjaj, za podpisam Łaščanki vyjšaŭ list da kiraŭnikoŭ siłavych i dziaržaŭnych orhanaŭ, u jakim jon vykazaŭ sumnieŭ u ahučanych Jarmošynaj ličbach, a taksama zaklikaŭ usich adumacca i viarnucca da zakonnaści.
U Minsku źnik viadomy prarasijski błohier i hość łukašenkaŭskaj prapahandy9
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary