Mis Biełaruś 2018 chutka pačnie nasić zaručalny piarścionak.
Rychtavali dziavočnik najbližejšyja siabroŭki pryhažuni, jakaja ciapier viadzie «Kałychanku». Darečy, usie jany ŭdzielnicy konkursu «Mis Biełaruś 2018». Tak, u bližejšaje koła Maryi Vasilevič trapili Maryja Piervij, Lidzija Lis, Nasta Klimovič, a taksama Anastasija Łaŭrynčuk.
Prajšło mierapryjemstva ŭ šykoŭnym staličnym restaranie Martinique Brasserie. Siabroŭki, adzietyja ŭ čorny mini-sukienki, padrychtavali maski, kab efiektna sustreć niaviestu.
Dziaŭčaty hulali ŭ nastołki i sprabavali pa eskizach zdahadacca, jakuju ž sukienku vybrała dla viasiella niaviesta.
Nasta Klimovič vyniesła tort z nadpisam: «Mirhni, kali chočaš patelefanavać stryptyzioru». U sacsietkach Nasta rastłumačyła, što ź piaci dziaŭčat ź ich kampanii ŭ dźviuch na dziavočniku byŭ stryptyzior. Ale Vasilevič siabroŭki paabiacali, što nie buduć zamaŭlać prafiesijnaha tancora. Tamu abmiežavalisia tolki tym, što pakazali niavieście videazvarot.
Pa tradycyi dziaŭčat, Maryja Vasilevič apranuła fatu toj siabroŭcy, jakoj zyčyć nastupnaj pabracca šlubam. Hałoŭny atrybut niaviesty atrymała televiadučaja STB Anastasija Łaŭrynčuk. Darečy, sama Vasilevič atrymała fatu ad Maryi Piervij jašče ŭ 2022 hodzie.
Mabyć, taja častka śviata, jakaja nie trapiła ŭ sacsietki siabrovak, była jašče bolš viasiołaj. Bo Maryja Piervij raźbiła svoj ajfon — pa im prajechałasia mašyna.
Doŭhi čas pryvatnaje žyćcio Maryi Vasilevič zastavałasia tajamnicaj.
Paśla pieramohi na konkursie pryhažości dziaŭčyna supravadžała Alaksandra Łukašenku na roznych mierapryjemstvach, a toj moh publična pryabniać pryhažuniu, naprykład, kali chakieisty «Dynama» zakidvali šajbu supiernikam.
Kali 22-hadovaja Vasilevič sabrałasia ŭ deputatki, nahaniaj ad Łukašenki atrymała Lidzija Jarmošyna, jakaja advažyłasia krytykavać dziaŭčynu.
— U mianie asabistaja pazicyja jak vybarščyka i dziaržaŭnaha čynoŭnika, u deputaty pavinny iści ludzi stałyja, — kazała Jarmošyna, jakaja tady ŭznačalvała Centrvybarkam.
Łukašenku heta nie spadabałasia:
— My zaŭsiody kažam: moładź — naša budučynia, za moładździu — usio. A kolki maładych vyłučylisia? Piać? Havorać, što jany niedaśviedčanyja, jany ničoha nie viedajuć. Dy jany viedajuć toje, čaho nie viedajem my, jany viedajuć toje, što viedaje moładź!
Deputatkaj Maryja Vasilevič, naprykład, raspracoŭvała zakonaprajekt «Ab adkaznym abychodžańni z žyviołami».
U 2020 hodzie Maryja naviedała ŭ Balnicy chutkaj dapamohi ludziej, jakija paciarpieli padčas vuličnych akcyj pratestu.
— Ciažka ŭśviadomić, što ŭ našaj krainie ludzi atrymlivajuć takija kalectvy na vulicy ŭ mirny čas. Ale my pavinny heta pryznać i pavinny zrabić usio, kab hetaha bolš nikoli nie paŭtaryłasia. Toje, što ja ŭbačyła, biezumoŭna, mocna ŭražvaje. Ja jak pradstaŭnik dziaržaŭnaj ułady — choć, moža, i nie maju na toje paŭnamoctvaŭ — prynosiła prabačeńni ludziam za atrymanyja imi traŭmy. Nie viedaju, maju ja na toje prava ci nie, ale pa-čałaviečy mnie vielmi-vielmi škada, — skazała tady deputatka Maryja Vasilevič.
Druhi raz stać deputatkaj joj užo nie dazvolili.
U intervju Maryja kazała, što jaje serca volnaje. Jana śćviardžała, što nie adčuvaje niedachopu ŭ prychilnikach, jakija niastomna šluć kvietki da jaje doma, adnak «taho samaha» jašče nie sustreła. Dziaŭčyna pryznavałasia, što jaje začaroŭvajuć mocnyja, charyzmatyčnyja asoby, u prysutnaści jakich jana adčuvaje niaśmiełaść.
Letaś u vieraśni Maryja apublikavała ŭ instahramie fota, na jakim całujecca z mužčynam, i namiaknuła, što možna vinšavać.
U Minsku źnik viadomy prarasijski błohier i hość łukašenkaŭskaj prapahandy10
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary
Čto tak mało?