«Spampujcie. Što, b***?» Praŭładnaja mastačka nie zrazumieła biełaruskaj movy
Mastačka Śviatłana Žyhimont, jakaja pisała pastaralny partret Łukašenki, a niadaŭna vystaŭlałasia na mierapryjemstvie «Danbas u našym sercy», pryjšła ŭ šalenstva ad adnaho biełaruskaha słova.
Žyhimont apisała płatnuju parkoŭku kala CUMa. Terminał tam nie pracavaŭ, ale visieła instrukcyja, jak apłacić praź internet. Mastačka panarakała, što ŭ jaje ŭzroście nie tak i prosta razabracca ŭ internet-technałohijach. Ale biełaruskaja mova jaje dabiła.
«Spaŭzaju vačyma ŭniz i čytaju: «Spampujcie prahramu». Spampujcie? Što, b***, ja pavinna zrabić? Ja, s***, u svajoj krainie znachodžusia ci ŭ krainie banderaŭskich elfaŭ?»
— aburałasia ŭ telehram-kanale Žyhimont.
Paśla čaho napisała jašče niekalki abraźlivych vyrazaŭ na adras biełaruskaj movy: «chutarskaja vyb**dskaja paŭpšeckaja tarabarščyna».
Mastačka śćviardžaje, što nibyta niakiepska viedaje biełaruskuju movu, ale novyja słovy (i tyja, jakija joj nie padabajucca) vučyć nie źbirajecca.
«Ja nie źbirajusia na staraści hadoŭ marnavać svoj kaštoŭny čas na vyvučeńnie hetaha naboru słoŭ i vyrazaŭ z roznych moŭ i dyjalektaŭ plus usialakich słoŭ-vyradkaŭ, jakija mnie sprabujuć naviazać, z usimi hetymi rovarami, kiroŭcami, vałoškami, marozivami i spampavańniem. I ja nie budu razam sa zmaharami rabić vyhlad, byccam by hety nabor i jość mova maich prodkaŭ. Prabačcie, ale movu maich dziadoŭ ja čuła svaimi vušami. Idzicie lesam!»
Žyhimont i Bondarava źvinavacili Tura ŭ ideałahičnaj dyviersii
«Choć usryciesia tam, a maje karciny ŭžo pajšli ŭ narod». Što nie padzialili Dziermant, Špakoŭski i Žyhimont?
«Niervy słužbovych asob nie humovyja». Častka praŭładnych błohieraŭ nie ŭchvalaje pastajannyja danosy
«Bolšoj sbor russkomu hieroju». Mastačka Žyhimont źbirała hrošy na nacysta
U Minsku źnik viadomy prarasijski błohier i hość łukašenkaŭskaj prapahandy10
U Minsku źnik viadomy prarasijski błohier i hość łukašenkaŭskaj prapahandy
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»55
Kamientary
To jany kaduć što mova niedaraźvita i tamu vučyć jaje biessensoŭna, vied́ vsie kłaśsičieskije proiźviedienija napisany na V Je Ł I K O M jazykie.
To zaraz kaža što novasłovy nie adpaviadajuć toj movie jakuja jana čuła ot prodkaŭ.
Nu Vy raźbiaryciesia ŭ svajoj hałavie pierad tym jak lapu razivać