«Razumnym ludziam pavinna być zrazumieła…» Mer Baranavičaŭ prakamientavaŭ situacyju z płavajučymi mohiłkami
Kadry z novych haradskich mohiłak u vioscy Lesina, jakija 6 lutaha zjavilisia ŭ tyktoku, vyklikali vialiki rezanans. Ludzi byli šakavanyja, u jakuju brudnuju kałatušu pieratvarylisia mohiłki praz adlihu i niepahadź.
8 lutaha staršynia Baranavickaha harvykankama Michaił Bacenka vyrašyŭ prakamientavać situacyju. Pačaŭ jon zdalok — cytaty Ilfa i Piatrova «Vołny pieriekatyvaliś čieriez moł i padali vniz striemitielnym domkratom».
«Hetaj cytataj možna acharaktaryzavać niekatoryja resursy z nabytymi padpisantami i vydańni ź vielmi sumnieŭnaj reputacyjaj i niezdarovaj ciahaj pastajanna vyklikać u ludziej niehatyŭ. Zvyčajna artykulčyki takich krynic nie vyklikajuć žadańnia reahavać, ale ŭ hety raz dziela adnaŭleńnia spraviadlivaści i abjektyŭnaści chočacca pryvieści paru faktaŭ», — pačaŭ Bacenka.
Jon nahadaŭ, što mohiłki ŭ Lesinie adkrytyja ŭ 2021 hodzie i «ŭžo tady niekatoryja vytvorcy pomnikaŭ aburalisia ab nibyta niemahčymaści ŭstanoŭki nadmahillaŭ».
«A akazałasia, usia sprava ŭ prafiesijanaliźmie», — śćviardžaje Bacenka.
«Razumnym ludziam pavinna być zrazumieła, što pakolki heta miesca pachavańniaŭ novaje, hrunt nasypny, druzły, pa ŭsich zakonach fiziki treba čas, kab jamu ŭtrambavacca. Hruntavych vod tam niama i nijakaha ŭpłyvu na jakaść vady być nie moža. Dziakujučy tamu, što ŭ hlebie adsutničajuć płasty hliny, adtałaja vada sychodzić. Razumnym ludziam pavinna być zrazumieła, što kali śnieh rastaje, to jon pieratvarajecca ŭ vadu i za 15 chvilin u mierzłuju ziamlu jon nie sydzie», — piša Bacenka.
Darečy, videa, što narabili šumu, u kanale ich aŭtara ŭžo niedasiažnyja.
«Viedali b, nie chavali b tut». U Baranavičach adkryli mohiłki, na jakich praz asablivaści hruntu niemahčyma pastavić pomnik
Zamiest žanicha ŭ ZAHS pryjšła milicyja: dziaŭčyna chacieła vyjaznuju rehistracyju šlubu, ale ledź nie atrymała administratyŭku
«Małyška paśpieła tolki raspluščyć vočki». U Minsku niemaŭla pamierła ad aśfiksii — miedyki nie stali rabić kiesaravaha
Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34
Kamientary