Što viadoma pra novaha ministra achovy zdaroŭja Alaksandra Chadžajeva?
Były kiraŭnik RNPC psichijatryi pačynaŭ pracu pobač z Uładzimiram Karanikam u RNPC ankałohii. A baćka Chadžajeva byŭ pieršym namieśnikam ministra zdaroŭja.
Novym ministram achovy zdaroŭja pryznačany 44-hadovy Alaksandr Chadžajeŭ. «Biełpoł» pradastaviŭ «Našaj Nivie» ankietnyja źviestki čynoŭnika.
Chadžajeŭ naradziŭsia ŭ 1980 hodzie ŭ Lepieli. Jon praciahvaje miedycynskuju dynastyju.
Baćka čynoŭnika, Valer Chadžajeŭ, pracavaŭ hałoŭnym doktaram Lepielskaj rajonnaj balnicy. Paśla pierajšoŭ va ŭpraŭleńnie achovy zdaroŭja abłvykankama, papracavaŭ i niepasredna ŭ Ministerstvie zdaroŭja, dajšoŭ da pasady pieršaha namieśnika ministra.
U 2010-m Valer Chadžajeŭ byŭ supracoŭnikam Administracyi prezidenta. Niejki čas jon pracavaŭ i hienieralnym dyrektaram «Biełmiedtechniki». Ciapier jon farmalna piensijanier, ale praciahvaje rabić hiendyrektaram rasijskaj farmaceŭtyčnaj kampanii «Pskoŭ Farma».
Što da Alaksandra Chadžajeva, to jon pačynaŭ svaju karjeru ŭ RNPC ankałohii i miedycynskaj radyjałohii im. M. Alaksandrava. Mienavita tam byŭ zahadčykam adździaleńnia Uładzimir Karanik, jaki paśla daros da ministra zdaroŭja, a ciapier pracuje hubiernataram Hrodzienščyny.
Paśla Alaksandr Chadžajeŭ pracavaŭ u 6-j haradskoj kliničnaj balnicy i ŭ Biełaruskaj miedycynskaj akademii paśladypłomnaj adukacyi. Apošni čas jon uznačalvaŭ RNPC psichičnaha zdaroŭja.
Žonka novaha ministra, Ała Chadžajeva, jurystka. Pracuje ŭ «EkspartMiehaTrans».
Siamja žyvie ŭ ahraharadku Lasny pad Minskam.
«Nu, i što?» Ministra handlu zahnali ŭ tupik «niekanstruktyŭnym» pytańniem pra dziaržrehulavańnie cen
Demahrafičnaja katastrofa. Uzrovień naradžalnaści ŭ Biełarusi apuściŭsia nižej za vajennyja časy
«Na žal, takich žudasnych historyj chapaje». Supracoŭnica radzilni pra vypadak z paradzichaj u Salihorsku
Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34
Kamientary