Hramadstva

U listach z-za krataŭ palitźniavoleny žurnalist Andrej Kuźniečyk raskazvaje pra toje, jak śnić Minsk

Palitźniavoleny žurnalist «Radyjo Svaboda» ŭžo hod znachodzicca ŭ Navapołackaj kałonii № 1, dzie adbyvaje šeść hadoŭ, prysudžanyja za nibyta stvareńnie ekstremisckaha farmavańnia.

Andrej Kuźniečyk. Fota: Radyjo Svaboda

U listach, jakija atrymlivajuć rodnyja, Andrej piša pra toje, što šmat čytaje — pračytaŭ užo amal sotniu knih. Taksama jon vypisvaje šmat pieryjodyki, šukaje tam cikavuju dla siabie infarmacyju, piša Biełaruskaja asacyjacyja žurnalistaŭ.

Jon adznačaje, što niešta cikavaje stała prakidacca ŭ «Viačernim Minsku», prykładam, artykuł pra admietny kabiniet hieahrafii ŭ 109-j škole.

«Časam byvajuć cikavyja numary, ale najčaściej pustavatyja», — piša Andrej Kuźniečyk. Jon prosić, kab svajaki napisali jamu zahałoŭki jakoha-niebudź numara haziety «Minskij kuŕjer». Spadziajecca, «mo, tam jašče cikaviej». Prosić taksama pahladzieć dla jaho «Transportnyj viestnik».

Jak časta byvaje, u listach Andrej znoŭ pierakazvaje svaje sny pra volu: «Adzin ź ich byŭ realistyčny. Tam ja siadaŭ u mietro «Šabany», doŭha stajaŭ u čarzie da kasy, potym tam jašče kieškaŭsia, bo hrošy pamianialisia. Potym doma zadumienna razvažaŭ, što voś tak doŭha dumaŭ, jak jano i kali budzie, i voś jano ŭžo i nastupiła — ja doma, i refleksuju nad pieršymi chvilinami doŭhačakanaha stanu ŭ fiłasofskim nastroi».

Palitviazień znachodzicca za kratami z 25 listapada 2021 h.. U jahonaj kvatery adbyŭsia pieratrus, siłaviki nienadoŭha zdoleli zachapić kantrol nad telehram-kanałam «Radyjo Svaboda». Na nastupny dzień Andreja Kuźniečyka asudzili sudom Zavodskaha rajonu Minska na 10 sutak pa administracyjnaj spravie, adnak 5 śniežnia na volu nie vyjšaŭ i byŭ znoŭ asudžany tym ža sudom jašče na 10 sutak. Ale i 15 śniežnia jaho nie vyzvalili.

23 śniežnia svajakam paviedamili, što suprać jaho raspačata zaviali kryminalnaja sprava, i zatrymanaha pieraviali na «Vaładarku» — u SIZA-1 na vulicy Vaładarskaha ŭ Minsku. U siaredzinie traŭnia 2022 h. stała viadoma, što Andreja pieraviali ŭ Mahiloŭski SIZA. 11 studzienia 2022h. biełaruskaja pravaabarončaja supolnaść pryznała Andreja Kuźniečyka palityčnym źniavolenym.

8 červienia 2022 h. u Mahiloŭskim abłasnym sudzie žurnalista-fryłansiera asudzili pavodle č. 1 art. 361-1 KK (stvareńnie ekstremisckaha farmavańnia abo ŭdzieł u im). Sudździa Ihar Šviedaŭ pryznačyŭ Andreju Kuźniečyku pakarańnie ŭ vyhladzie źniavoleńnia ŭ kałonii ŭzmocnienaha režymu na termin 6 hadoŭ.

1-ha vieraśnia 2022 h. Andrej byŭ etapavany ŭ navapołackuju kałoniju № 1. MUS uklučyŭ Andreja ŭ śpis asobaŭ, datyčnych da «ekstremisckaj» dziejnaści.

Za kratami znachodziacca 35 supracoŭnikaŭ ŚMI. Niekatoryja ź ich prysudžanyja da hihanckich terminaŭ, jak, naprykład, Ihar Łosik i Andrej Alaksandraŭ.

Kamientary

Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34

Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać

Usie naviny →
Usie naviny

Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ8

Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj1

Ukrainski komik trapna vyśmiejaŭ Azaronka i «vybary» Łukašenki 6

Navukoŭcy ŭpieršyniu źniali na VIDEA pry dzionnym śviatle žyvoha marskoha čorta8

U sankcyjny śpis Trampa trapiŭ prakuror MKS, jaki vydaŭ ordar na aryšt Pucina18

Ukrainskija vajskoŭcy źbili na Danbasie rasijski samalot Su-25 VIDEA8

U adnym z rajonaŭ Minska prarvała trubu ciepłazabieśpiačeńnia1

U Minsku likvidujuć dva kłuby bajavych mastactvaŭ2

U Niderłandach u hatel pryjšoŭ ciuleń i zasnuŭ u numary3

bolš čytanych navin
bolš łajkanych navin

Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34

Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać

Hałoŭnaje
Usie naviny →

Zaŭvaha:

 

 

 

 

Zakryć Paviedamić