Łukašenka i Zialenski paspaborničali ŭ žartach — najlepšyja momanty VIDEA
Alaksandr Łukašenka i prezident Ukrainy Uładzimir Zialenski siońnia pravodziać svaju pieršuju sustreču ŭ ramkach forumu rehijonaŭ Ukrainy i Biełarusi va ŭkrainskim Žytomiry. Sustreča prachodzić u adnosna niefarmalnaj i svabodnaj atmaśfiery, a kiraŭniki Ukrainy i Biełarusi achvotna abmieńvajucca žartami, što vyklikała škvał pazityŭnych emocyj u prysutnych žurnalistaŭ. Voś tolki niekatoryja ź ich.
Zialenski — Łukašenku: A vy nie saromiejciesia, Alaksandr Ryhoravič
— Čym bližej, čym bolš rodnymi i zhurtavanymi buduć našy dziaržavy, tym bolšy supraciŭ my budziem adčuvać. Nichto nikoli, jak by ni zajaŭlali palityki, nie dazvolić nam vielmi mocna siabravać. Bo, na žal, śviet dziejničaje pa pryncypie «padzialaj i ŭładar», — zajaviŭ Łukašenka padčas sustrečy z žurnalistami paśla pieramovaŭ ź Zialenskim. — Stolki žurnalistaŭ tut, zaraz padumajuć, što my tut sabralisia suprać Rasii ci Kitaja. Dy nie!
— A vy nie saromiejciesia, Alaksandr Ryhoravič, — pažartavaŭ u adkaz Zialenski.
— Vy nie dumajcie, što tolki tam (u Rasii) nas buduć presavać. Heta i na Zachadzie nie vielmi ŭsprymuć, — zaśmiajaŭsia Łukašenka. — My heta ŭśviedamlajem i hety barjer my poŭnyja rašučaści pieraadoleć. My nie chočam suprać kahości siabravać.
Łukašenka naśmiašyŭ zału słovami pra Uładzimira Uładzimiraviča
Dyjałoh Alaksandra Łukašenki i Uładzimira Zialenskaha ŭ ramkach II Forumu rehijonaŭ dźviuch krain vyklikaŭ burnuju reakcyju zały.
Biełaruski lidar padčas vystupu, pryśviečanaha adnaŭleńniu tavaraabarotu z Ukrainaj, ahavorvajecca i pramaŭlaje «rehijony Rasii».
Paśla taho jak Zialenski źviartaje ŭvahu na pamyłku, Łukašenka kaža: «Ja ŭžo spałochaŭsia, niaŭžo ja «Uładzimir Uładzimiravič» skazaŭ». Na što ŭkrainski prezident adkazvaje: «Dziakuj bohu, nie». Prysutnyja žurnalisty adreahavali śmiecham i apładysmientami.
Łukašenka — ukrainskim žurnalistam: Hospadzie, jak Uładzimir Alaksandravič vas ciarpić?
Ukrainskaja žurnalistka paskardziłasia, što ŭ žurnalistaŭ va Ukrainie składvajucca napružanyja adnosiny z kiraŭnikom ukrainskaj dziaržavy.
U suviazi z hetym Alaksandr Łukašenka adkazaŭ žurnalistcy nastupnaje: «U vas? Z Uładzimiram Alaksandravičam (Zialenskim) adnosiny napružanyja? Ja idu za im i dumaju: Hospadzie, jak jon vas ciarpić. Dy vy što, u vas vydatnyja adnosiny!»
Čoknulisia šklankami z vadoj
A voś poŭnaje videa vystupaŭ Zialenskaha i Łukašenki, jakija nie raz pieraryvalisia śmiecham:
Cimanoŭskaja pra muža ŭ Biełarusi: Nie, ja nie budu siabie vinavacić, kali jaho pasadziać34
Kamientary